Роҳҳои гузариш ва пешгирии бемории ВИЧ/СПИД ба аҳолӣ фаҳмонида мешаванд
ДУШАНБЕ, 04.03.2017 /АМИТ «Ховар»/. Имрӯз дар назди Театри академии опера ва балети ба номи Садриддин Айнӣ бо ташаббуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон чорабинии васеи иттилоотию оммафаҳмонӣ оид ба бемории Вируси норасоии масунияти одам (ВИЧ/СПИД) баргузор мегардад.
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд, дар ҳамоиш ба ҷавонон ва шаҳрвандони пойтахт роҳҳои гузариш ва пешгирии ин беморӣ фаҳмонида мешаванд.
Ҳамчунин дар ин рӯз аз ҷониби Маркази ҷумҳуриявии пешгирӣ ва мубориза бар зидди Вируси норасоии масъунияти одам ва Маркази пешгирии Вируси норасоии масъунияти одам дар шаҳри Душанбе машварат оид ба бемории мазкур ташкил карда мешавад.
Дар ҳамоиш ба аҳолӣ ба таври ройгон маводи иттилоотӣ ва дигар маводи пешгирикунанда тақсим карда мешаванд.
Дар ин рӯз аз ҷониби Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон баргузории барномаҳои фарҳангӣ дар назар дошта шудааст.
Имрӯз дар Тоҷикистон ҳавои тағйирёбанда шуда, сар задани селҳои пиряхӣ аз эҳтимол дур нест
Беш аз 50 хонаводаи маҳаллаи Деҳқонободи ноҳияи Мастчоҳ бо оби нӯшокӣ таъмин мегарданд
Лоиҳаи Харитаи роҳ доир ба татбиқи ташаббусҳо дар самти «Ояндабинии Осиёи Марказӣ– 2050» муаррифӣ шуд
Дар ноҳияи Ашт соҳилҳои рӯди маҳаллӣ мустаҳкам карда мешаванд
Имрӯз дар Тоҷикистон чангу ғубор ба амал меояд
Дар Суғд ҷаласаи сайёри Кумитаи иҷроияи марказии Ҳизби Халқии Демократии Тоҷикистон доир гардид
Имрӯз дар Тоҷикистон сар задани селҳои пиряхӣ дар назар аст
ТАҚВИМИ АМИТ «ХОВАР»: имрӯз 12 август, сешанбе, 224-умин рӯзи соли 2025 аст
Барои хатмкунандагони муассисаҳои таҳсилоти миёнаи умумӣ ва таҳсилоти ибтидоӣ ва миёнаи касбӣ омӯзиши забони олмонӣ оғоз меёбад
Дурнамо ва густариши ҳамкорӣ байни Тоҷикистон ва Покистон баррасӣ гардид
Далер Наимов: «Дастаи мо аз шахсони зираку кордон иборат аст»
