Сафири Тоҷикистон дар маросими қасамёдкунии Президенти Олмон иштирок менамояд
ДУШАНБЕ, 16.03.2017. /АМИТ «Ховар»/. 22 марти соли равон дар бинои Рейхстаги (маҷлисгоҳи парлумон) пойтахти Олмон-шаҳри Берлин маросими расмии қасамёдкунии Президенти тозаинтихоби федеролии Олмон Франк-Валтер Штайнмайер баргузор мешавад. Дар ин бора аз Сафорати Тоҷикистон дар Олмон хабар доданд.
Барои иштирок дар ин маросими давлатӣ бо даъвати раисони Палатаҳои болоӣ ва поёнии Парлумони Олмон Сафири Фавқулода ва Мухтори Ҷумҳурии Тоҷикистон дар Олмон Маликшо Неъматов даъват гардидааст.
Ёдовар мешавем, ки 12 феврали соли равон дар ҷараёни Маҷлиси Федералӣ бо аксари овозҳо собиқ Вазири корҳои хориҷии Олмон Франк-Валтер Штайнмайер ба ҳайси Президенти 12-уми Олмон интихоб гардид. Франк-Валтер Штайнмайер дар мансаби Вазири корҳои хориҷии Олмон солҳои 2006 ва 2016 бо сафари расмӣ ба Ҷумҳурии Тоҷикистон ташриф оварда, бо Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дидору гуфтугӯ дошт.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
