Шиносоии Рамазон Раҳимзода бо кори Шуъбаи милитсия оид ба масъалаҳои экологӣ
ДУШАНБЕ, 20.03.2017. /АМИТ «Ховар»/. Вазири корҳои дохилии Ҷумҳурии Тоҷикистон Рамазон Раҳимзода аз Шӯъбаи милитсия оид ба масъалаҳои экологии Вазорати корҳои дохилӣ дидан намуд.
Тавре аз Вазорати корҳои дохилӣ хабар доданд, зимни боздид Вазири корҳои дохилӣ аз сатҳу сифати корҳои анҷомдода изҳори қаноатмандӣ намуда, ба Шуъбаи мазкур 1 адад мошини хизматии тамғаи «Нива» тақдим намуд. Мавсуф тамоми кормандони Шуъбаи милитсия оид ба масъалаҳои экологиро бо фарорасии Иди байналмилалии Наврӯз табрик намуда, ба онҳо дар фаъолияти хизматӣ пешравию муваффақият таманно кард.
Зикр гардид, ки кормандони Шуъбаи милитсия оид ба масъалаҳои экологӣ ҷиҳати риояи қонуният, ҳифзи муҳити зист ва мубориза бар зидди ҷиноятҳои дорои хусусияти коррупсионӣ бояд тамоми малакаю маҳорати касбиро равона намуда, бар зидди ҷиноятҳои экологӣ, аз ҷумла, нисбат ба ҷинояткороне, ки ба маҳв ва нобуд кардани ҳайвоноти нодир ва дарахтону растаниҳое, ки ба «Китоби Сурх» ворид гардидаанд, даст мезананд, оштинопазир бошанд.
«Кормандони Шуъбаи милитсия оид ба масъалаҳои экологӣ изҳор доштанд, ки бар зидди ҳама гуна қонуншиканӣ ва ҳифзи муҳити зист ҳамеша дар сафи пеш қарор дошта, ҳолатҳои ҳуқуқвайронкунӣ аз ҷониби шаҳрвандонро пешгирӣ менамоянд»,-иттилоъ доданд аз ин ниҳод.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






