Соҳибкорони Арабистони Саудӣ ба шаҳри Душанбе ташриф оварданд

ДУШАНБЕ, 15.03.2017 /АМИТ «Ховар»/. Як гурӯҳи соҳибкорон аз ширкати тиҷоратии «Al-bassaimi Group of Companies»-и Шоҳигарии Арабистони Саудӣ ба шаҳри Душанбе ташриф оварданд.
Тавре хабарнигори АМИТ «Ховар» иттилоъ медиҳад, нимаи дуюми имрӯз, 15 март Раиси ширкати тиҷоратии «Al-bassaimi Group Co» бо Неъматулло Ҳикматуллозода, Вазири рушди иқтисод ва савдои Ҷумҳурии Тоҷикистон, Файзиддин Қаҳҳорзода, Раиси Кумитаи давлатии самоягузорӣ ва идораи амволи давлатии Ҷумҳурии Тоҷикистон ва Шариф Саид, Раиси Палатаи савдо ва саноати Ҷумҳурии Тоҷикистон вохӯрӣ хоҳад кард.
Сафари гурӯҳи соҳибкорон аз ширкати тиҷоратии «Al-bassaimi Group Co»-и Шоҳигарии Арабистони Саудӣ ба шаҳри Душанбе то 19 март идома ёфта дар доираи он Абдуллоҳ Муҳаммад Ал Бассомӣ, Раиси ширкати тиҷоратии «Al-bassaimi Group Co» бо Аҳтам Абдуллозода, Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, Маҳмадшариф Ҳақдод, муовини Вазири корҳои хориҷии Ҷумҳурии Тоҷикистон, Тоҷиддин Пирзода, раиси «Тоҷиксодиротбонк», Маҳмадсаид Зувайдов, муовини якуми Раиси шаҳри Душанбе мулоқот мекунад.
Меҳмонон дар доираи ин сафар аз мавзеъҳои таърихию фарҳангии шаҳри Душанбе, боғи ба номи Абӯабуллоҳ Рӯдакӣ, майдони Парчам ва Нишони давлатии Ҷумҳурии Тоҷикистон, «Наврӯзгоҳ» ва «Кохи Наврӯз» боздид ба амал меоранд.