Тӯйи хайриявии 100 кӯдаки ятиму маъюб ва камбизоат дар ноҳияи Рашт

РАШТ, 21.03.2017. /АМИТ «Ховар»/. Имрӯз бахшида ба иди Наврӯз дар маркази ноҳияи Рашт бо дастгирии соҳибкорони маҳаллӣ тӯйи хайриявии 100 нафар кӯдаки маъюб ва кӯдакон аз оилаҳои камбизоат баргузор шуд. Дар ин бора мудири шуъбаи ҳифзи иҷтимоии ноҳияи Рашт Нуъмоншо Исматов ба хабарнигори АМИТ «Ховар» иттилоъ дод.

Дар ин  хатнасур аз ҳисоби соҳибкорон дастархони идона ороста шуда, ба ҳар кӯдак 1000 сомонигӣ туҳфаҳои идона тақдим намуданд. Инчунин дар арафаи ин иди миллӣ аз ҳисоби соҳибкорони ватанӣ ба 15 нафар маъюбони ноҳия аробаҳои маъюбӣ  ҳадя карда шуд.