Тантанаҳои наврӯзӣ дар Мастчоҳ аз Наврӯзи деҳаи Палдорак оғоз ёфтанд

Март 10, 2017 10:30

ДУШАНБЕ, 10.03.2017. /АМИТ «Ховар»/. Дар деҳаи Палдораки ноҳияи Мастчоҳ тантанаҳои наврӯзӣ оғоз ёфтанд. Тибқи иттилои масъулини Мақомоти иҷроияи ҳокимияти давлатии ноҳияи Мастчоҳ, сокинони деҳаи Палдорак Наврӯзро ҳар сол аз дигар манотиқи кишвар пештар истиқбол ва таҷлил менамоянд.
Дар барномаҳои идонаи мардуми деҳа раиси ноҳия Ғайрат Азиззода иштирок намуда, сокинон ва меҳмононро ба муносибати ин иди ҷаҳонӣ табрик гуфт. Ғайрат Азиззода таъкид намуд, ки маҳз бо шарофати Истиқлолияти давлатӣ ва сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Наврӯзи оламафрӯз бо тамоми суннатҳояш комилан эҳё гардида, ҳамчун ҷашни ҷаҳонӣ эътироф шуд.
Тибқи анъанаи мардуми ин минтақа дар ин рӯз гӯштини наврӯзӣ баргузор гардид, ки дар он паҳлавонҳо аз навоҳии вилояти Суғд иштирок доштанд. Пухтани хӯрокҳои миллии наврӯзӣ, ба монанди суманак, кашк, нони бо ҳалво ва оши палав дар тарафи дигари майдон зеббахши ин ҷашни фархунда буд. Барномаи рангини фарҳангӣ бо иштироки санъаткорони шинохтаи ноҳия суруру шодии ҷашнро дучанд намуд.
Бояд гуфт, ки як хусусияти дигари Наврӯзи ин деҳа он аст, ки ҳамаи сокинон субҳи наврӯзиро бо либосҳои миллии идона, оростани дастархон, табрики ҳамдигар ва аёдати беморон истиқбол мегиранд.

Март 10, 2017 10:30

Хабарҳои дигари ин бахш

ОБУ ҲАВО: Имрӯз дар шаҳри Душанбе ҳаво рӯзона 28+30 дараҷа гарм мешавад
ТАҚВИМИ АМИТ «ХОВАР»: имрӯз 27 апрел, чоршанбе, 117- умин рӯзи соли 2022 аст
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд