«Таърихи Ҳумоюн» ба нашр расид
ДУШАНБЕ, 04.03.2017. /АМИТ «Ховар»/. Чанде пеш китоби таърихшиноси асри 19- аввали асри 20 тоҷик Муҳаммад Содиқ Гулшанӣ «Таърихи Ҳумоюн» бо забони русӣ аз чоп баромад. Тарҷума, сарсухан ва тавзеҳоти он ба қалами ховаршинос ва дастхатшиноси номдори тоҷик Амрияздон Алимардонов тааллуқ дорад. Дар нашри ин китоб саҳми муҳаррири илмии он ховаршинос Лола Додхудоева хеле калон аст. Ягона дастхати ин асари нодир дар фонди дастхатҳои Пажӯҳишгоҳи шарқшиносии Академияи илмҳои Ҷумҳурии Тоҷикистон маҳфуз аст. Дар ин бора сардори шуъбаи бостоншиносӣ ва сиккашиносии Осорхонаи миллии Тоҷикистон, доктори илми таърих Давлатхоҷа Довудӣ ба АМИТ «Ховар» хабар дод.
Дар «Таърихи Ҳумоюн» доир ба сохтори маъмурии Аморати Бухоро дар аввали асри 20, шумора ва таркиби миллӣ, қавмӣ ва динии аҳолии ҳар як вилоят, дар бораи мадрасаҳо, шумораи мударрисон ва толибилмон, мактабҳои ибтидоӣ, масҷиду хонақоҳҳо, машғулияти аҳолӣ, ҳодисаҳои муҳими таърихи гузашта маълумоти ҷолиб оварда шудааст. Гулшанӣ маъмури давлатӣ буда, шахсан ба бисёр вилоятҳо сафар карда, маълумот ҷамъ кардааст ва аз ҳуҷҷатҳои девони қӯшбегӣ низ фаровон истифода бурдааст. Биноан маълумоти овардаи ӯ хеле дақиқ ва боварибахш мебошанд.
Як нуктаи муҳими дигар он аст, ки дар «Таърихи Ҳумоюн» доир ба сохтори маъмурӣ ва аҳолии вилоятҳои Ҳисор, Хатлон, Қаротегин ва Дарвоз, ки дар ҳудуди Тоҷикистони имрӯза ҷойгиранд, маълумоти муфид ва нодир оварда шудааст, ки дар дигар сарчашмаҳо қариб вонамехӯранд. Дар мавриди вилоятҳои кӯҳистон муаллиф таъкид кардааст, ки онҳо мустақил буданд ва танҳо ба наздикӣ ба ҳайати аморати Бухоро дохил карда шуданд.
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
