«Тоҷикистон ватани Наврӯз аст»-армуғони «Адиб» ба Наврӯзи хуҷастапай
ДУШАНБЕ, 17.03.2017/АМИТ «Ховар»/. «Тоҷикистон ватани Наврӯз аст»- чунин ном дорад китоби тозанашр, ки онро нашриёти «Адиб» ҳамчун армуғони баҳорӣ ба ҷашни ҷаҳонии Наврӯз эҳдо намудааст.
Гурез Сафар, директори нашриёти «Адиб» дар суҳбат ба хабарнигори «Ховар» гуфт, ки дар китоби «Тоҷикистон ватани Наврӯз аст» беҳтарин ва тозатарин ашъори шоирони муосир ва навқалами тоҷик, ки ба васфи баҳору Наврӯзи некқадам бахшида шудаанд, гирд оварда шудаанд. Дӯстдорони назм имкон доранд аз китоби «Тоҷикистон ватани Наврӯз аст» беҳтарин ашъори шоирони муосири шинохтаи тоҷик, назири Лоиқ, Гулрухсор, Гулназар, Муҳаммад Ғоибро хонанд. Шоирони тоҷик Низом Қосим ва Гурез Сафар аз мураттибони маҷмӯаи «Тоҷикистон ватани Наврӯз аст» буда, китоб бо теъдоди 1000 нусха нашр гардидааст.
Ҳамзамон нашриёти «Адиб» тасмим дорад, ки дар оянда ба ифтихори 20- солагии ҷашни Рӯзи Ваҳдати миллӣ маҷмӯаи дастаҷамъонаи шеърҳои шоирони муосири тоҷикро зери унвони «20 баҳори Ваҳдат» ва ба муносибати Соли ҷавонон эълон гардидани соли 2017 китоби очерку мақолаҳоро бо номи «Ҷавонӣ, эй ҷавонӣ» дар таҳияи Гулназар рӯи чоп оварад.








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






