Тоҷикобод: озмуни «Кадбонуи беҳтарин» ба ҷашни Наврӯз бахшида мешавад

ТОҶИКОБОД, 02.03.2017. /АМИТ «Ховар»/. Бахшида ба ҷашни Наврӯзи байналмилалӣ бахши кор бо занон ва оилаи мақомоти иҷроияи  ҳокимияти давлатии ноҳияи Тоҷикобод дар меҳмонхонаи марказии ноҳия  байни ҷамоатҳои деҳот озмуни «Кадбонуи беҳтарин»-ро баргузор намуд. Дар ин бора масъулини ноҳия ба АМИТ «Ховар» иттилоъ доданд.

Роҳбари дастгоҳи раиси ноҳия Тоир Устоев ҳадаф аз  баргузории  озмуни мазкурро ба  тарғибу ташвиқи фарҳангу арзишҳои миллӣ, эҳёи ҳунарҳои мардумӣ, эҳтиром ба хӯрокҳои миллӣ  ва муаррифии навъҳои гуногуни хӯрокҳои миллии бо маҳорати зиёд омода намудаи кадбонуҳои ноҳияи Тоҷикобод рабт дод.

Ғолибони озмун бо туҳфаҳо ва ифтихорномаҳои раиси ноҳия сарфароз гардонида шуданд.