Вохӯрии курсантони Академияи Вазорати корҳои дохилӣ дар партави Соли ҷавонон
ДУШАНБЕ, 16.03.2017. /АМИТ «Ховар»/. Курсантон ҳар рӯзи худро бояд ба омӯзиши илму донишҳои муосир сарф намуда, нагузоранд, ки ягон лаҳзаи ҳаёташон беҳуда гузарад. Ин суханоне буданд, ки зимни вохӯрии сардорони шуъбаҳои милитсияи як зумра шаҳру ноҳияҳои ҷумҳурӣ бо толибилмони Академияи Вазорати корҳои дохилии Ҷумҳурии Тоҷикистон баён гардиданд.
Тавре аз Вазорати корҳои дохилӣ хабар доданд, дар ҷамъомад сардори ин муассисаи таҳсилоти касбӣ Файзалӣ Шарифзода иброз дошт, ки «барои баланд бардоштани сифати таълиму тарбия моро зарур аст дар тамоми зинаҳои таҳсилот, бахусус, дар зинаи таҳсилоти касбӣ на ба шумора, балки ба сифати он диққати ҷиддӣ дода, мутахассисони ҷавобгӯи талаботи замони муосирро тарбия намоем. Вохӯрии имрӯзаи сардорони ШВКД-ҳои шаҳру ноҳияҳо бо курсантон дар Соли ҷавонон ба он хотир гузаронида мешавад, ки шогирдони мо бо кори амалӣ дар мақомоти корҳои дохилӣ шинос шуда, бо масъулини шуъбаҳои милитсия оид ба паҳлӯҳои гуногуни фаъолияти хизматии онҳо табодули андеша намоянд».
Дар ҷамъомад ҳамчунин доир ба масъалаҳои терроризму экстремизм ва фаъолияти равияву ҷараёнҳои тундрави хатарнок сухан гуфтанд.
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
