Вохўрии сарони мақомоти ҳолатҳои фавқулодаи кишварҳои Осиёи Марказӣ оид ба масъалаҳои паст кардани хатари офатҳои табиӣ

ДУШАНБЕ, 30.03.2017 /АМИТ «Ховар»/. 31 марти соли 2017 дар доираи татбиқи тавсияҳои «Барномаи қолабии Сендай оид ба паст кардани хавфи офатҳои табиӣ дар солҳои 2015-2030» дар шаҳри Душанбе вохўрии минтақавии сарони мақомоти ҳолатҳои фавқулодаи кишварҳои Осиёи Марказӣ оид ба масъалаҳои паст кардани хавфи офатҳои табиӣ баргузор мегардад.
Тавре аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар доданд, дар конфронс роҳбарони вазорату мақомоти дахлдор дар соҳаи пешгирӣ ва рафъи ҳолатҳои фавқулодаи Ҷумҳурии Қазоқистон, Қирғизистон, Тоҷикистон, Туркманистон, Ӯзбекистон, намояндагиҳои дипломатӣ, донорҳо ва оҷонсиҳои СММ иштирок менамоянд.
Дар ҷараёни мулоқот масъалаҳои ҳамкории минтақавӣ дар самти коҳиш додани хавфи офатҳои табиӣ баррасӣ мегарданд.