Аввалин ғалабаи КМВА «Помир» ва «Вахш» дар мавсими нави футболи Тоҷикистон
ДУШАНБЕ, 10.04.2017/АМИТ «Ховар»/. Клуби марказии варзиши артиш «Помир» ва дастаи «Вахш» дар мавсими футболи соли 2017 ба аввалин ғалабаашон комёб гардиданд. Дар ин бора сомонаи ФФТ хабар медиҳад.
Дар даври панҷуми мусобиқа дар варзишгоҳи «Авиатор»-и пойтахт футболбозони КМВА «Помир» бар КФ «Барқчӣ» бо ҳисоби 1:0 ғалаба карданд. Ягона голро Шарафҷон Солеҳов дар дақиқаи 56-ум ба ҳадаф расонд. Баъди ин комёбӣ футболбозони КМВА «Помир» бо шаш имтиёз ба зинаи сеюми ҷадвали мусобиқот баромаданд.
Дар бозиҳои дигари ин давр «Вахш» ва «Хуҷанд» ҳам вохӯриҳояшонро бо ғалаба ҷамъбаст карданд. Барои футболбозони «Вахш» аввалин пирӯзӣ дар Чемпионати имсолаи мамлакат ба ҳисоб меравад. «Вахш» тавонист дар бозии ниҳоят муҳим дастаи машҳури Тоҷикистон-«Регар — ТадАЗ»-ро дар майдонаш бо нишондоди 2:1 ноком гардонад. Голҳои задаи Худойдод Узоқов ва Далер Умаров дар муқобили тӯби Евгений Хотимский- легионери россиягии дастаи «Регар- ТадАЗ» «Вахш»-ро ба гирифтани се имтиёз мушарраф гардониданд.
«Хуҷанд»-и Хуҷанд дар Варзишгоҳи «20-солагии Истиқлолияти Тоҷикистон» дастаи нави лигаи олӣ -«Панҷшер»-и ноҳияи Ҷалолиддини Балхиро қабул карда, бо натиҷаи 2:1 ғолиб омад. Голҳоро Дилшод Бозоров, Манучеҳр Ахмедов (аз «Хуҷанд») ва Абдухалил Боронов («Панҷшер») ба самар расониданд.
Як бозии дигари даври панҷум бо иштироки дастаҳои «Истиқлол»-и Душанбе ва «Ҳосилот»-и Фархор 11 март дар Варзишгоҳи марказии шаҳри Душанбе, соати 18:30 гузаронида мешавад. Аз рӯи тақвими бозиҳо ин вохӯрӣ мебоист дар варзишгоҳи ноҳияи Фархор доир гардад, аммо аз сабаби омода набудани майдони бозӣ дастаҳо ба қароре омаданд, ки вохӯрии марҳалаи аввалро дар шаҳри Душанбе ва бозии марҳалаи дуюмро дар Фархор баргузор намоянд.
ЧемпионатиТоҷикистон. Даври 5
«Вахш» «Регар-ТадАЗ» 2:1
Голҳо: Худойдод Узоқов, Далер Умаров («Вахш»), Евгений Хотимский («Регар- ТадАЗ).
Довари майдон: Сайёдҷон Зайниддинов (Душанбе).
Нозири доварон: Раҳмон Муртазоев (Душанбе).
Комиссари бозӣ: Эраҷ Носеҳов (Душанбе).
8 апрел. Қӯрғонтеппа. Варзишгоҳи «Пахтакор».
«Хуҷанд» «Панҷшер» 2:1
Голҳо: Дилшод Бозоров, Манучеҳр Ахмедов ( «Хуҷанд), Абдухалил Боронов («Панҷшер»).
Довари майдон: Бехрӯз Муртазоев (Душанбе).
Нозири доварон: Аюбҷон Солиев (Конибодом).
Комиссари бозӣ: Асрор Шораҷабов (Истаравшан).
8 апрел. Хуҷанд. Варзишгоҳи «20-солагии Истиқлолияти Тоҷикистон».
КМВА «Помир» «Барқчӣ» 1:0
Гол: Шарафҷон Солеҳов, 56.
Довари майдон: Хусрави Сиддиқзод (Душанбе).
Нозири доварон: Юсуф Ишматов (Қӯрғонтеппа).
Комиссари бозӣ: Сафар Каримов (Норак).
9 апрел. Душанбе. Варзишгоҳи «Авиатор».
11 апрел (сешанбе)
Оғози бозӣ соати 18:30
«Истиқлол» «Ҳосилот»
Душанбе, Варзишгоҳи марказии шаҳри Душанбе
| Б | Ғ | М | Б | Т/Т | И | ||
| 1 | «Ҳосилот» (Фархор) | 4 | 3 | 0 | 1 | 7-3 | 9 |
| 2 | «Хуҷанд» (Хуҷанд) | 4 | 2 | 1 | 1 | 5-3 | 7 |
| 3 | КМВА «Помир» (Душанбе) | 4 | 1 | 3 | 0 | 1-0 | 6 |
| 4 | «Регар-ТадАЗ» (Турсунзода) | 5 | 1 | 2 | 2 | 3-4 | 5 |
| 5 | «Вахш» (Қӯрғонтеппа) | 5 | 1 | 2 | 2 | 2-4 | 5 |
| 6 | «Панҷшер» (Ҷалолиддин Балхӣ) | 5 | 1 | 2 | 2 | 3-6 | 5 |
| 7 | «Истиқлол» (Душанбе) | 2 | 1 | 1 | 0 | 6-0 | 4 |
| 8 | «Барқчӣ» (Ҳисор) | 5 | 1 | 1 | 3 | 2-9 | 4 |
Нишонзанҳои беҳтарин: Манучеҳр Ҷалилов («Истиқлол»), Дилшод Бозоров («Хуҷанд») 3, Дмитрий Барков («Истиқлол»), Агблей Ҷонс («Ҳосилот»), Фирӯз Раҳматов («Регар-ТадАЗ») 2 тӯб.
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
