Барои кӯдакони шунавоияшон суст китобҳои «Воситаҳои аёнӣ» ва «Роҳнамои омӯзгор» ба нашр расиданд

Апрель 7, 2017 17:38

РӮДАКӢ, 07.04.2017. /АМИТ «Ховар»/. Бахшида ба Соли ҷавонон ва 20-солагии Рӯзи Ваҳдати миллӣ китобҳои устоди Мактаб-интернати ҷумҳуриявии кӯдакони дорои шунавоии суст ва деркаршудаи ноҳияи Рӯдакӣ Шодмон Шодмонов «Воситаҳои аёнӣ» барои кӯдакони норасоиҳои шунавоидоштаи синни томактабӣ ва хурди мактабӣ ва «Роҳнамои омӯзгор» дар бораи кор бо кӯдакони дорои норасоиҳои шунавоӣ ба нашр расиданд. Дар ин бора аз муассисаи мазкур ба хабарнигори АМИТ «Ховар» иттилоъ доданд.
Ба гуфтаи муаллиф, китобҳои «Алифбо барои кӯдакони сустшунав» ва «Инкишофи нутқ» дар арафаи чопанд. Ин 4 китоб ба омӯзгорон, мураббиён, волидон ва донишҷӯёни мактабҳои олии педагогӣ, ки минбаъд ба таълиму тарбияи чунин кӯдакон машғул мешаванд, ёрии амалӣ мерасонанд.
Дар китобҳои мазкур бо истифодаи маводи дақиқ, расму тасвирҳо дар бораи сохт, вазифа ва шунавоии узвҳои шунавоӣ, нақши онҳо дар рушди шахсияти кӯдак ва оқибатҳои норасоиҳои шунавоӣ маълумот дода шудааст. Инчунин таснифи омехташавии овозҳо, сохтори мураккаби нуқсонҳои шунавоӣ тартиб ёфтаанд, ки барои кормандони соҳаи сурдопедагогика хеле муҳим арзёбӣ мешаванд.
Китобҳои мазкурро, ки бо теъдоди кам ба нашр расидаанд, волидайни маъюбон ва омӯзгорони кӯдакони дорои норасоиҳои шунавоӣ метавонанд аз Мактаб-интернати ҷумҳуриявии кӯдакони дорои шунавоии суст ва деркаршудаи ноҳияи Рӯдакӣ дастрас намоянд.

Апрель 7, 2017 17:38

Хабарҳои дигари ин бахш

Ба муносибати Рӯзи умумиҷаҳонии ҳифзи муҳити зист дар Ҳисор аксияҳо гузаронида шуданд
Ба сокинони ноҳияи Шаҳринав 272 ҷойи кор пешниҳод карда шуд
Доир ба мавзуи навсозии сиёсати иҷтимоӣ дар Тоҷикистон конференсияи байналмилалӣ баргузор шуд
Лукас Эринсон аз Канада: «Дар Тоҷикистон дар як рӯз чор фасли солро мушоҳида намудам»
Дар Мактаб-интернати ҷумҳуриявии кӯдакони ношунавои ноҳияи Рӯдакӣ ҳамоиш доир шуд
Академияи идоракунии давлатии Тоҷикистон ва Академияи таърихи Чин робитаҳои илмӣ ва фарҳангиро густариш медиҳанд
Имрӯз дар Тоҷикистон ҳаво то 35 дараҷа гарм мешавад
Ҳасани Чупонӣ: «Президенти Тоҷикистон тавонист ҷомеаи ҷаҳониро барои ҳалли мушкилоти глобалӣ ҷамъ оварад»
Мавзеъҳои зебои Тоҷикистон дар ҳамоиши байналмилалии «Чин-Осиёи Марказӣ» муаррифӣ карда мешаванд
Дар ҷаласаи Шурои ҷамъиятии Ҷумҳурии Тоҷикистон татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ» баррасӣ шуд
Имрӯз дар шаҳри Душанбе ҳаво то 29 дараҷа гарм мешавад
ТАҚВИМИ АМИТ «ХОВАР»: имрӯз 31 май, шанбе, 151-умин рӯзи соли 2025 аст