Баррасии масоили ба қайд нагирифтани муроҷиати шаҳрвандон дар вилояти Хатлон
ДУШАНБЕ, 27.04.2017. /АМИТ «Ховар»/. Масоили ба қайд нагирифтани муроҷиати шаҳрвандон, таҳлили сатҳи ҷинояткорӣ, назорати риояи қонунгузорӣ дар бораи андоз ва мубориза бар зидди экстремизм дар ҷаласаи прокуратураи вилояти Хатлон оид ба ҷамъбасти фаъолияти семоҳа мавриди баррасӣ қарор дода шуд.
«Яке аз самтҳои асосии фаъолияти мақомоти прокуратура кор бо муроҷиати шаҳрвандон аст. Мутаассифона, дар бисёр ҳолатҳо хунукназарӣ нисбат ба муроҷиати мардум боиси он мешавад, ки онҳо ба мақомоти болоӣ муроҷиат кунанд»,- зикр кард Насрулло Маҳмудов, прокурори вилояти Хатлон.
Бино ба гуфтаи Н. Маҳмудов, ҳодисаҳои даст ба худкушӣ задани ноболиғон ва ҷавонон ташвишовар буда, дар амри пешгирии онҳо дар фаъолияти муассисаҳои маорифи шаҳру ноҳияҳо камбудиҳои ҷиддӣ ҷой доранд
Дар ҷаласа зикр гардид, ки дар самти риояи қонунгузорӣ дар бораи андоз 40 санҷиш гузаронида, барои бартараф намудани қонунвайронкуниҳо 350 санади прокурорӣ бароварда, бо баррасии онҳо 209 нафар ба ҷавобгарии интизомӣ ва маъмурӣ кашида шудааст. 5 парвандаи ҷиноятӣ оғоз ва 10 даъво оид ба рӯёнидани қарзи андоз ба маблағи 1,3 млн. сомонӣ ба суди иқтисодӣ оварда шуданд.
Иттилоъ дода шуд, ки ба иҷрои Қонуни Ҷумҳурии Тоҷикистон «Дар бораи мубориза бар зидди экстремизм» диққати махсус дода, дар ҳамкорӣ бо дигар мақомоти ҳифзи ҳуқуқ 60 парвандаи ҷиноятӣ оғоз карда шудааст.
Ҳамчунин зикр гардид, ки сатҳи содиршавии ҷиноят дар вилоят коҳиш ёфта, ҳамагӣ 1296 ҷиноят ба қайд гирифта шудаанд, ки нисбат ба ҳамин давраи соли гузашта 66 ҷиноят кам мебошад. Сатҳи кушодавии ҷиноятҳо дар вилоят 74 фоизро ташкил дод. Дар ин замина сатҳи содиршавии ҷиноятҳои махсусан вазнин ва вазнин дар вилоят зиёд гардида, аз 224 ба 272 ҳолат расидааст.
Аз ҷониби прокуророн дар семоҳаи аввали соли 2017-ум 68 ҷинояти аз қайд пинҳонмонда ошкор ва ба қайд гирифта шуда, 11 парвандаи ҷиноятӣ бо тасдиқи хулосаи айбдоркунӣ ба суд ирсол гардидааст. Бо натиҷаи баррасии пешниҳодҳои прокуророн 21 нафар кормандони мақомоти корҳои дохилӣ барои даст задан ба рӯйпӯшкунии ҷиноят ба ҷавобгарии интизомӣ кашида шудаанд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
