Дар Душанбе ҷашни Рӯзи пойтахт бо шукӯҳу шаҳомати хоса ҷараён дорад

Апрель 15, 2017 13:28

ДУШАНБЕ, 15.03.2017 /АМИТ «Ховар»/. Имрӯз дар шаҳри Душанбе Рӯзи пойтахт бо шукӯҳу шаҳомати хоса ҷашн гирифта мешавад. Дар боғҳои фарҳангу фароғатии «Дӯстии халқҳо», «Боғи Рӯдакӣ», «Кӯли ҷавонон» ва майдони 800-солагии Москва сайругашти оммавии сокинон ва меҳмонони шаҳр идома дорад. Шоми имрӯз соати 17:00 дар Амфитеатри Душанбе бахшида ба Рӯзи пойтахт маросими тантанавии супоридани мукофотҳо ба ғолибони озмунҳои шаҳрӣ ва бо иштироки сарояндаҳои эстрадаи тоҷик консерти идона барпо мегардад.
Тавре аз Раёсати иттилоотӣ ва робитаҳои хориҷии дастгоҳи Раиси шаҳри Душанбе хабар доданд, ҷашн бо ниммарафони VIII байналмилалии Душанбе оғоз гардида, дар он варзишгарони Россия, Украина, Афғонистон, Қирғизистон, Ӯзбекистон, Эрон, Кения, Эфиопия, Швейтсария, Лаҳистон ва Покистон иштирок доранд. Ниммарафон субҳи имрӯз дар боғи «Наврӯзгоҳ» оғоз гардид. Иштирокдорони он тариқи гузаргоҳи Чорбоғ дар қисмати шимолии пойтахт масофаи 21 км 097 метрро тай карда, дар майдони Дӯстӣ, назди муҷассамаи Исмоили Сомонӣ ба марра расиданд.
Чорабинии мазкур бо мақсади рушди варзиш, тарғиби тарзи ҳаёти солим, устувор намудани робитаҳои ҳамкорӣ бо бародаршаҳрҳо ва шаҳрҳои бо Душанбе ҳамкории судманди иқтисодиву иҷтимоидошта доир мегардад.
Хотиррасон менамоем, ки барои баргузории ниммарафон аз фонди Раиси шаҳри Душанбе 316 ҳазор сомонӣ маблағ ҷудо гардида, барои ғолибони ҷойҳои аз 1 то 6-ум байни мардону занон мукофотпулиҳои зерин муқаррар гардидаанд: ҷойи 1 — 28 ҳазору 700 сомонӣ; ҷойи 2- 24 ҳазору 600 сомонӣ; ҷойи 3 — 20 ҳазору 500 сомонӣ; ҷойи 4 — 16 ҳазору 400 сомонӣ; ҷойи 5 — 14 ҳазору 760 сомонӣ ва мақоми 6 — 12 ҳазору 300 сомонӣ.

Апрель 15, 2017 13:28

Хабарҳои дигари ин бахш

Омодагӣ ба Форуми байналмилалии сармоягузории «Душанбе инвест-2025» баррасӣ шуд
Сокинону меҳмонони пойтахт тавассути хатсайри «City Tour» зебоиҳои Душанберо тамошо намуданд
Иҷлосияи сеюми Маҷлиси вакилони халқи шаҳри Душанбе, даъвати ҳафтум баргузор шуд
«САЙРИ ДУШАНБЕ». Ба муносибати Рӯзи ҷаҳонии сайёҳӣ дар пойтахт хатсайри ройгон ташкил карда мешавад
Имрӯз иҷлосияи сеюми Маҷлиси вакилони халқи шаҳри Душанбе, даъвати ҳафтум баргузор мегардад
Дар Душанбе Рӯзи забони давлатӣ дар сатҳи баланд таҷлил карда мешавад
DITE-2025: Душанбе ба маркази нави сайёҳии байналмилалӣ табдил меёбад
DITE-2025. Зиёда аз 10 ҳазору 500 нафар аз Намоишгоҳи байналмилалии сайёҳии Душанбе дидан намуданд
Масъалаи густариши ҳамкорӣ байни шаҳри Душанбе ва Ҷазираи Киш дар соҳаи сайёҳӣ баррасӣ шуд
Дар доираи баргузории Намоишгоҳи байналмилалии сайёҳии Душанбе ҷаласаи панелӣ ва дарси маҳорат доир гардиданд
«ГАНҶИНАИ МЕРОС». Дар Душанбе Фестивал — намоиши либосҳои миллӣ баргузор гардид
Дар Намоишгоҳи байналмилалии сайёҳии Душанбе беш аз 200 ширкати хизматрасони соҳа иштирок дорад