Дар ноҳияи Рашт дар натиҷаи омадани сел чанд хонаи истиқоматӣ ва иншооти ёрирасон хароб гардиданд
ДУШАНБЕ, 24.04.2017 /АМИТ «Ховар/. Рӯзҳои истироҳат дар деҳаи Шилбилии ҷамоати деҳоти Сурхоби ноҳияи Рашт сел омад. Дар натиҷа 6 хонаи истиқоматӣ пурра вайрон шуда, 6 иншооти ёрирасон зарар диданд. Дар ин бора ба АМИТ «Ховар» аз маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар доданд.
Инчунин 7 сар чорвои калони шохдор ва 48 сар чорвои майда талаф шудааст. Талафоти ҷонӣ ба қайд гирифта нашудааст. Ба зарардидагон ёрии ҳаматарафа расонида шуда, онҳо ба ҷойи бехавф кучонида шуданд.
Барои бартарафсозии оқибатҳои офати табиӣ корҳо идома доранд ва ҳаҷми зарари расида аз тарафи комиссияи ҳолатҳои фавқулода муайян карда мешавад. Дар ҷойи ҳодиса кормандони кумита ва Мақомоти иҷроияи ҳокимияти давлатии ноҳия бо техникаи бартарафсозии оқибатҳои офат фаъолият доранд. Ситоди ҳолатҳои фавқулодаи ноҳия шабонарӯз фаъол ва бо мардум дар иртиботанд.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
