Даври хотимавии Олимпиадаи донишҷӯёни муассисаҳои таҳсилоти олии касбии ҷумҳурӣ дар шаҳри Кӯлоб доир шуд
ДУШАНБЕ, 26.04.2017 /АМИТ «Ховар»/. Дар Донишгоҳи давлатии Кӯлоб ба номи Абӯабдулло Рӯдакӣ даври хотимавии Олимпиадаи донишҷӯёни муассисаҳои таҳсилоти олии касбии Ҷумҳурии Тоҷикистон баргузор гардид, ки дар он донишҷӯёни 32 муассисаи таҳсилоти олии касбӣ иштирок намуданд. Дар ин бора аз Вазорати маориф ва илми Ҷумҳурии Тоҷикистон хабар доданд.
Бино ба иттилои манбаъ, дар Олимпиадаи мазкур иштирокчиён аз рӯи 11 фанни таълимӣ, инчунин дар мавзӯъҳои озод бахшида ба ҷашнҳо иншои хурд навишта, оид ба фанҳои дигар аз рӯи саволномаҳои тестӣ донишу маҳорати худро санҷиданд.
Дар олимпиада 271 нафар донишҷӯён иштирок намуданд, ки аз онҳо 11 нафар ғолиби ҷои якум, 14 нафар ғолиби ҷои дуюм, 21 нафар ғолиби ҷои сеюм гардида, 49 нафар бо Ифтихорномаи Вазорати маориф ва илми Ҷумҳурии Тоҷикистон қадрдонӣ карда шуданд.
Натиҷаи ҷамъбаст нишон дод, ки аз рӯи ҷойҳои бадастоварда Донишгоҳи миллии Тоҷикистон ҷои якум, Донишгоҳи давлатии Кӯлоб ба номи Абӯабдулло Рӯдакӣ ҷои дуюм ва Донишгоҳи давлатии тиббии Тоҷикистон ба номи Абӯалӣ ибни Сино ҷои сеюмро сазовор гардиданд.
17 июл дар якчанд идора нишасти матбуотӣ баргузор мегардад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
