Имрӯз даври сеюми бозиҳои интихобии Ҷоми Осиё-2018 оид ба футбол байни бонувон доир мешаванд

ДУШАНБЕ, 07.04.2017/АМИТ «Ховар»/. Имрӯз даври сеюми  бозиҳои интихобии Ҷоми Осиё-2018 дар гурӯҳи «А», ки дар шаҳри Душанбе идома доранд, гузаронида мешаванд. Дастаи мунтахаби бонувони Тоҷикистон дар соати 16:00 бо дастаи мунтахаби Филиппин, ки дар ду бозии пешинааш ба ғалаба комёб шудааст, вориди рақобат мешавад. Пешсафи гурӯҳ-дастаи мунтахаби Урдун бо Ироқ (соати 19:00) ва дастаи Амороти Муттаҳидаи Араб бо Баҳрайн (соати 13:00) дар ин рӯз бо ҳам қувва меозмоянд.
Дар даври дуюми мусобиқа дастаи мунтахаби бонувони Тоҷикистон аз дастаи мунтахаби Баҳрайн бо натиҷаи 0:4 мағлуб шуд, Урдун ва Филиппин бар дастаҳои Амороти Муттаҳидаи Араб (6:0) ва Ироқ (4:0) пирӯзӣ ба даст оварданд ва то ҳол ягон бозиро набохтаанд.
Бозиҳои интихобии Ҷоми Осиё-2019 байни бонувон
Гурӯҳи «А». Даври 2
Баҳрайн ТОҶИКИСТОН 4:0
Голҳо: Рим Юсуф Маъсуд Салим ал-Ҳашмӣ, 17 (1:0). Рим Юсуф Маъсуд Салим ал-Ҳашмӣ, 20 (2:0). Нура Сами ал-Доссарӣ, 46 (3:0). Рим Юсуф Маъсуд Салим ал-Ҳашмӣ, 78 (4:0).
Тоҷикистон: Сахина Саидова, Насиба Олимова (Шукронаи Ҷумъахон, 46), Дилафрӯз Шарифова, Ҷонона Ҳалимова, Ирода Ҷӯраева, Сайрам Холназарова, Наталя Сотникова, Мадинаи Искандарӣ, Нодира Мирзоева, Муниса Мирзоева, Марҷона Файзуллоева (Зулайхо Сафарова, 62).
Огоҳӣ: Нура Сами ал-Доссарӣ, Еман Рашид Исо, Амира Совар (Баҳрайн), Шукронаи Ҷумъахон, Ирода Ҷӯраева (Тоҷикистон).
5 апрел. Душанбе. Варзишгоҳи марказӣ.
Филиппин Ироқ 4:0
Голҳо: Ева Мадаранҷ, 21 (1:0). Ҳали Лонг, 44 (2:0). Сара Изобел Арриета Кастанеда, 45+1 (3:0). Алеса Назарено Долино, 45+3 (4:0).
5 апрел. Душанбе. Варзишгоҳи марказӣ
Урдун АМА 6:0
Голҳо: Майса Ҷбараҳ, 3 (1:0). Майса Ҷбараҳ, 40 (2:0). Стефани ал-Набир, 44 (3:0). Майса Ҷбараҳ, 77 (4:0). Стефани ал-Набир, 80 (5:0). Майса Ҷбараҳ, 81 (6:0).
5 апрел. Душанбе. Варзишгоҳи марказӣ.

Бозиҳои боқимонда:
Даври 3
7 апрел (ҷумъа
13:00 АМА Баҳрайн
16:00 Тоҷикистон Филиппин
19:00 Урдун Ироқ

Даври 4
10 апрел (душанбе)
13:00 Ироқ АМА
16:00 Тоҷикситон Урдун
19:00 Филиппин Баҳрайн

Даври 5
12 апрел (чоршанбе)
13:00 Урдун Филиппин
16:00 АМА Тоҷикистон
19:00 Баҳрайн Ироқ