Кормандони гумрук аз дохили калӯш ҳашиш ёфтанд
ДУШАНБЕ, 07.04.2017. /АМИТ «Ховар»/. 9 марти соли равон аз тарафи кормандони шуъбаи мубориза бар зидди ҳуқуқвайронкуниҳои гумрукии Раёсати минтақавии гумрукӣ дар шаҳри Душанбе ҳангоми гузаронидани чорабиниҳои фаврӣ — ҷустуҷӯӣ шаҳрванд М. М., соли таваллудаш 1969, зода ва истиқоматкунандаи ноҳияи Тоҷикобод, бо гумонбарӣ дар муомилоти ғайриқонунии воситаҳои нашъадор ва ба соҳибияти каси дигар додани онҳо дастгир гардид. Дар ин бора ба АМИТ «Ховар» аз Маркази матбуоти Хадамоти гумруки назди Ҳукумати Ҷумҳурии Тоҷикистон хабар доданд.
Ба иттилои манбаъ, дар вақти азназаргузаронии манзили истиқоматии муваққатиаш, воқеъ дар шаҳри Душанбе, кӯчаи А. Ғуломов аз дохили плитаи барқӣ як ҷуфт калӯши резинӣ, ки дар дохилаш ду адад бастаи селофании рангаш сиёҳи дар дохилаш хамираи сахти рангаш сиёҳу сабзчатоби дорои бӯи махсус мавҷуд буд, дарёфт карда шуд.
Мувофиқи маълумотномаи экспертӣ — судии Раёсати ташхисӣ — криминалистии Вазорати корҳои дохилии Ҷумҳурии Тоҷикистон, маводи аз манзили муваққатии истиқоматии шаҳрванд М. М. ёфташуда, маводи нашъадори навъи ҳашиш буда, вазни умумиаш 906 граммро ташкил медиҳад. Онҳоро номбурда бо мақсади ба соҳибияти каси дигар додан нигоҳ доштааст.
Оид ба ҳолати мазкур нисбат ба шаҳрванд М. М. барои содир намудани кирдорҳои барқасдонаи худ бо аломатҳои моддаи 200 қисми 3 банди «г» — и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуд.
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
Олимони тоҷик ва хориҷӣ дар пиряхи Ванҷях корҳои таҳқиқотӣ мегузаронанд
Дар ноҳияи Лахш бо мақсади пешгирии истифодаи ғайриқонунии неруи барқ вохӯрӣ доир шуд
Кадом шабакаҳои иҷтимоӣ ва паёмрасонҳо дар Тоҷикистон маъруфанд
Имрӯз дар Тоҷикистон гармии ҳаво ба 40 дараҷа мерасад
