Намоиши китоб: Ваҳдати миллӣ кафили сулҳи Тоҷикистон
![](https://khovar.tj/wp-content/uploads/2017/04/Namoishi-kitob-Vahdat.jpg)
ДУШАНБЕ, 07.04.2017. /АМИТ «Ховар»/. Дирӯз аввалин намоиши китоб бахшида ба солгарди Ваҳдати миллӣ бо китобҳои нашри солҳои гуногун дар толори хониш, воқеъ дар ошёнаи дуюми Китобхонаи миллии Тоҷикистон ифтитоҳ шуд. Дар ин бора аз Китобхонаи миллӣ хабар доданд.
Намоиши китоб «Ваҳдати миллӣ кафили сулҳи Тоҷикистони азиз» унвон гирифта, ба 20-солагии имзои Созишномаи сулҳ бахшида шудааст. Бештар аз 100 китобе, ки аз ҷониби муаллифони гуногун дар солҳои мухталиф чоп шудаанд, ба намоиш гузошта шудаанд.
Хонандагон имкон доранд, аз ҷумла, «Достони Ваҳдати миллат» (Хуҷанд -2009), «Бунёдкор», «Ваҳдат ва раванди гуфтугўи тамаддунҳо» (Душанбе- 2015), «Ваҳдат, Давлат, Президент» (Душанбе- 2007), «Ваҳдати миллӣ» (Душанбе- 2014), «Қаҳрамони Ваҳдат» (Душанбе-2014), «Меъмори Ваҳдат» (Шодон Ҳаниф, Султони Мирзошоҳ), «Сулҳ, Ризоят, Ваҳдат» (Хуҷанд -2007), «Пешвои сулҳофарини миллат» (Хуҷанд- 2016), «Ваҳдат ҷавҳари фалсафаи сулҳофарӣ ва фарҳангсолории миллати тоҷик» (Ҳизби халқии Демократии Тоҷикистон), «Ҷонфишонӣ дар роҳи сулҳу Ваҳдат» (Душанбе- 2011), «Ваҳдат- кафолати ҳастии миллат» (Душанбе- 2012), «Ваҳдатовар», «Наҷотбахши миллат», «Баёзи Ваҳдат» ва даҳҳо китобҳои дигарро мутолиа намоянд.
Тавре адар Китобхона зикр намуданд, қарор аст намоиши китоб то ҷашнвораи бистсолагии Ваҳдати миллӣ идома ёбад.