«Наврӯзу навбаҳорон дар осори адибони арабу Аҷам»-конфронс дар Донишкадаи забонҳои Тоҷикистон
ДУШАНБЕ, 24.04.2017. /АМИТ «Ховар»/. «Наврӯзу навбаҳорон дар осори адибони арабу Аҷам» -таҳти чунин унвон дар Донишкадаи давлатии забонҳои Тоҷикистон ба номи Сотим Улуғзода конфронси илмию амалии ҷумҳуриявӣ доир гардид. Дар конфронс Сафири Шоҳигарии Арабистони Саудӣ дар Тоҷикистон Абдулазиз ибни Муҳаммад ал-Бодӣ, Сафири давлати Қатар дар Тоҷикистон Алӣ ибни Муборак ал- Муҳаннадӣ, инчунин мутахассисон ва устодони варзидаи арабшинос аз муассисаҳои илмию таҳқиқотӣ ва таълимии кишвар иштирок намуданд.
Тавре аз донишкадаи мазкур хабар доданд, ректори донишкада Маҳмадулло Раҷабзода ба меҳмонон доир ба суннатҳои ниёгонамон, аз ҷумла ҷашни Наврӯз сухан гуфт.
Сафирони Арабистони Саудӣ ва Қатар аз ҳамкорӣ бо Донишкадаи давлатии забонҳои Тоҷикистон ба номи Сотим Улуғзода изҳори қаноатмандӣ намуданд.
Аз ҷониби раёсати донишкада ба Абдулазиз ибни Муҳаммад ал-Бодӣ, Сафири Шоҳигарии Арабистони Саудӣ ва Алӣ Муборак ал-Муҳаннадӣ, Сафири давлати Қатар дар Ҷумҳурии Тоҷикистон туҳфаҳои хотиравӣ ҳамчун рамзи дӯстӣ тақдим гардиданд. Ба донишҷӯёне, ки тӯли ҳафта аз рӯйи 12 шарти озмун, аз қабили навиштани иншои беҳтарин, имлои беҳтарин, навиштаҷоти беҳтарин ва ғайра бо забони арабӣ ғолиб омаданд, ифтихорномаву сипоснома ва мукофоти молию пулӣ тақдим гардиданд.
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
