Вазорати молияи кишвар коғазҳои қиматноки давлатиро ба муомилот мебарорад
ДУШАНБЕ, 21.04.2017/АМИТ «Ховар»/. Вакилони Парлумони Тоҷикистон 21 апрел пешниҳоди Ҳукумати Ҷумҳурии Тоҷикистонро «Дар бораи ба муомилот баровардани коғазҳои қиматноки давлатии Ҷумҳурии Тоҷикистон ҷиҳати маблағгузории соҳаи энергетика ва ворид намудани тағйирот ба қарори Ҳукумати Ҷумҳурии Тоҷикистон аз 12 декабри соли 2016, №527»-ро ҷонибдорӣ намуданд. Тибқи он Вазорати молияи Ҷумҳурии Тоҷикистон коғазҳои қиматноки давлатиро ба маблағи 530 миллион сомонӣ ба муҳлати панҷ сол бо меъёри 2%-и солона ба муомилот мебарорад.
Ҷамшед Нурмуҳаммадиён, муовини Вазири молияи Ҷумҳурии Тоҷикистон дар назди вакилони Парлумон гуфт, ки коғазҳои қиматноки ба муомилот баровардашуда, тибқи шартнома ба Ҷамъияти саҳомии кушодаи «Неругоҳи барқи обии Роғун» супорида шуда, минбаъд ҶСК «Неругоҳи барқи обии Роғун» векселҳоро ба Бонки миллии Тоҷикистон гузашт менамояд ва Бонки миллии Тоҷикистон векселҳоро қабул намуда, 530 миллион сомониро ба суратҳисоби алоҳидаи ҶСК «Неругоҳи барқи обии Роғун» мегузаронад. Мавсуф афзуд, ки дар ҳолати ризоят додан нисбат ба қарори мазкур Вазорати молия, Бонки миллии Тоҷикистон ва ҶСК «Неругоҳи барқи обии Роғун» нақшаи чорабиниҳоро оид ба маблағгузории ин соҳа ва бозгардонидани маблағҳои ҷудошуда таҳия менамоянд
Ҳамзамон Ҷ. Нурмуҳаммадиён таъкид кард, ки тибқи қарори Раёсати Бонки миллии Тоҷикистон аз 24 феврали соли 2017 бозхонд гардидани иҷозатномаҳои Ҷамъияти саҳомии пӯшидаи «Тоҷпромбонк» ва ҶСК «Фононбонк» ба қарори Ҳукумати Ҷумҳурии Тоҷикистон «Дар бораи ба муомилот баровардани коғазҳои қиматноки давлатии Ҷумҳурии Тоҷикистон барои сармоякунии бонкҳо» тағйироти дахлдор ворид карда мешавад. Аз ҷумла, дар сархати якуми банди яки қарор рақам ва калимаҳои 3 миллиарду 850 миллион сомонӣ ба рақам ва калимаҳои 3 миллиарду 320 миллион сомонӣ иваз карда шуда, аз сархати дуюми банди якуми қарор ва дар замимаи яки қарор рақамҳои 3, 4 хориҷ карда мешаванд Инчунин замимаҳои 3 ва 4-и қарори Ҳукумати Ҷумҳурии Тоҷикистон аз 12 декабри соли 2016 таҳти рақами 527 аз эътибор соқит карда мешаванд.
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
