Сироҷидин Аслов ва Шайх Абдулло бин Зойид Оли Наҳён масоили тавсеаи ҳамкории Тоҷикистон ва Аморотро баррасӣ карданд
ДУШАНБЕ, 25.05.2017. /АМИТ «Ховар»/. Имрӯз, 25 май вохӯрии Вазири корҳои хориҷии Ҷумҳурии Тоҷикистон Сироҷидин Аслов бо Вазири корҳои хориҷӣ ва ҳамкории байналмилалии Амороти Муттаҳидаи Араб Шайх Абдулло бин Зойид Оли Наҳён, ки бо сафари расмӣ дар Душанбе қарор дорад, баргузор гардид. Дар ин бора аз Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд.
Дар ҷараёни суҳбат ҷонибҳо масоили тавсеаи ҳамкории Тоҷикистон ва Аморотро дар партави тавофуқоте, ки дар натиҷаи сафари расмии Президенти Ҷумҳурии Тоҷикистон ба Амороти Муттаҳидаи Араб моҳи марти соли 2016 ҳосил шуданд, мавриди баррасӣ қарор доданд.
Сироҷидин Аслов ва Шайх Абдулло бин Зойид Оли Наҳён рағбати мутақобилро ҷиҳати идомаи муколамаи боэътимод байни вазоратҳои корҳои хориҷии ду кишвар ва пешбурди ҳамкории судманд дар арсаҳои тиҷорат, иқтисод, робитаҳои фарҳангию башарӣ, маориф, сармоягузориҳо, саёҳат ва муборизаи муштарак бо чолишҳои амнияти минтақавию ҷаҳонӣ таъкид намуданд.
Бо ишора ба рушди бемайлони робитаҳои дуҷониба ва иқтидори фарохи ҳамкорӣ дар арсаҳои мухталиф, тарафҳо баргузории мунтазами машваратҳои байнисоҳавӣ ва байниидоравиро бо мақсади таҳкими пояи шартномавию ҳуқуқии муносибатҳо ва тавсеаи равобити байни доираҳои соҳибкории ду кишвар муҳим арзёбӣ карданд. Дар ин замина бар аҳамияти ифтитоҳи Сафорати АМА бо қароргоҳ дар Душанбе таъкид гардид.
Ҳамчунин атрофи ҳамкории ду кишвар дар ҳошияи созмонҳои минтақавию байналмилалӣ табодули назар сурат гирифт.
Ҳамкории Тоҷикистон ва Олмон дар қолаби ҳамкории бисёрҷониба баррасӣ гардид
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Барномаи кишварии ЮНИСЕФ барои Тоҷикистон барои солҳои 2027-2030 қабул шуд
Дар Олмон зарфияти иқтисодию сайёҳӣ ва мероси фарҳангии Тоҷикистон муаррифӣ гардид
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
