Варзишгарони тоҷик дар Бозиҳои ҳамбастагии исломӣ 4 медал ба даст оварданд

ДУШАНБЕ, 23.05.2017 /АМИТ «Ховар»/. Варзишгарони кишвар дар Бозиҳои 4-уми ҳамбастагии исломӣ дар намуди варзишҳои зӯрхонаӣ соҳиби 4 медали биринҷӣ шуданд. Наврӯз Арабов дар намудҳои санг ва мили сангин ду медал, Назаралӣ Абдуалӣ дар намуди чархи чаманӣ ва Исмоил Сангов дар намуди каббода якмедалӣ ба даст оварданд. Дар ин бора ба АМИТ «Ховар» аз Кумитаи миллии олимпии Тоҷикистон хабар доданд.

Бозиҳои 4-уми ҳамбастагии исломӣ 12 май шурӯъ гардида буданд. Дар он Озарбойҷон – мизбони бозиҳо  то 21 май 154 медал (75 тилло, 46 нуқра, 33 биринҷӣ) ба даст оварда, дар ҷадвали ҳисоби медалҳо дар ҷои аввал аст. Мақоми дуюмро дастаи мунтахаби Туркия бо ба даст овардани 185 медал (68 тилло, 63 нуқра, 54 биринҷӣ) ва ҷои сеюмро дастаи мунтахаби Эрон бо 90 медал (31 тилло, 26 нуқра, 33 биринҷӣ) ишғол кардаанд. Ӯзбекистон (15, 17, 30) дар мақоми чорум, Баҳрайн (12, 5, 4) дар мақоми панҷум ҷой гирифтаанд.

Дар маҷмӯъ, варзишгарони 26 давлат ба унвони қаҳрамонӣ даст ёфта,  39 давлат соҳиби медал шудаанд.

Тавре иттилоъ stop-any-disease.com, дар Бозиҳои 4-уми ҳамбастагии исломӣ қариб 3000 варзишгар аз 54 давлат дар 21 намуди варзиш барои 269 маҷмӯи медалҳо рақобат карданд.

Аз кишвари мо дар ин бозиҳо 29 варзишгар аз рӯи 7 намуди варзиш ширкат намуданд.