20 июл–Рӯзи байналмилалии шоҳмот: дар Тоҷикистон ҷавонону наврасон ва калонсолон ба ин намуди варзиш майли зиёд доранд
ДУШАНБЕ, 20.07.2017 /АМИТ «Ховар»/. Ҳамасола дар ҷаҳон 20 июл ҳамчун Рӯзи байналмилалии шоҳмот таҷлил карда мешавад. Шоҳмот бозии қадима ва миллии халқҳои форсизабон буда, он дар асри шаш пайдо шудааст. Тавре дар суҳбат бо хабарнигори АМИТ «Ховар» котиби генералии Федератсияи шоҳмоти Ҷумҳрии Тоҷикистон Илҳом Юнусов иброз дошт, солҳои охир таваҷҷуҳ ба бозии шоҳмот зиёд гардида, ҷавонону наврасон ва калонсолон ба ин намуди варзиш майли зиёд доранд ва ҳамасола дар сатҳи ҷумҳуриявӣ чандин мусобиқаҳои варзишӣ оид ба шоҳмот гузаронида мешаванд.
«Бахшида ба Рӯзи байналмилалии шоҳмот Федератсияи шоҳмоти Ҷумҳрии Тоҷикистон баргузории якчанд мусобиқаҳоро ба нақша гирифтааст. Аз ҷумла, ҳафтаи гузашта Мусобиқаи ҷумҳуриявӣ оид ба шоҳмот байни мардон доир гардид, ки дар он 44 нафар шоҳмотбозон аз тамоми шаҳру ноҳияҳои ҷумҳурӣ иштирок намуда, 7 нафар ғолибони мусобиқа барои иштирок дар даври ниҳоии Чемпионати ҷумҳуриявӣ оид ба шоҳмот, ки байни мардон моҳи августи соли равон дар вилояти Суғд баргузор мегардад, роҳхат гирифтанд»,- гуфт Илҳом Юнусов.
Ба гуфтаи номбурда, соли равон дар тамоми шаҳру ноҳияҳои Ҷумҳурии Тоҷикистон Фестивали намудҳои варзиши миллӣ баргузор гардид, ки дар он бори аввал бозии шоҳмот ҳамчун намуди варзиши миллӣ ворид карда шуд ва дар он тамоми ҷавонону наврасоне, ки ба ин намуди варзиш майл доштанд, иштирок карданд.
Ҳамчунин 24 июни соли равон дар бинои Федератсияи шоҳмоти Тоҷикистон Мусобиқаи ҷумҳуриявӣ барои дарёфти Ҷоизаи АМИТ «Ховар» баргузор гардид, ки мақсад аз доир намудани мусобиқа тарғиби ин намуди варзиш байни ҷавонон мебошад.
Ба иттилои котиби генералии Федератсияи шоҳмоти Ҷумҳрии Тоҷикистон, бахшида ба Рӯзи байналмилалии шоҳмот аз 21 то 23 июли соли равон Чемпионати Ҷумҳурии Тоҷикистон оид ба шоҳмот байни маъюбон доир мегардад.
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
