Ҳайати Ҷумҳурии Тоҷикистон дар нишасти Шӯрои вазирони корҳои хориҷии давлатҳои аъзои Созмони ҳамкории Исломӣ иштирок намуд
ДУШАНБЕ, 12.07.2017 /АМИТ «Ховар»/. Ҳайати Ҷумҳурии Тоҷикистон таҳти роҳбарии муовини Вазири корҳои хориҷии Ҷумҳурии Тоҷикистон Музаффар Ҳусейнзода дар нишасти 44-уми Шӯрои вазирони корҳои хориҷии давлатҳои аъзои Созмони ҳамкории исломӣ (СҲИ), ки дар шаҳри Абиҷони Ҷумҳурии Кот-д’Ивуар баргузор гардид, иштирок намуд.
Дар ин бора ба АМИТ «Ховар» аз ВКХ ҶТ иттилоъ доданд.
Бино ба иттилои манбаъ, Музаффар Ҳусейнзода дар суханронии худ, аз ҷумла таъкид доштааст: «Созмони ҳамкории исломӣ бояд дар ҳалли қазияҳои ҷаҳони ислом нақши муассир дошта бошад».
Зимнан таваҷҷуҳи ҳозирин ба масоили вобаста ба тақвияти мубориза бо терроризму ифротгароӣ, пешгирӣ аз маблағгузорӣ ва роҳ надодан ба густариши фаъолияти гурӯҳҳои террористӣ ҷалб карда шуд.
Таъкид гардид, ки дастгирии молию иқтисодӣ, мусоидат ба беҳсозии зербинои иҷтимоии кишварҳои тараққикунанда ва аз ин тариқ муҳайё намудани ҷойҳои нави корӣ метавонад яке аз заминаҳои муассири пешгирӣ аз гароиши ҷавонон ба гурӯҳҳои тундгаро бошад.
Дар ин нишаст ҳамчунин Сафири Фавқулода ва Мухтори Ҷумҳурии Тоҷикистон дар Шоҳигарии Арабистони Саудӣ, Намояндаи доимии Ҷумҳурии Тоҷикистон дар Созмони ҳамкории исломӣ Заробиддин Қосимӣ ширкат дошт.
Дар Москва қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» муаррифӣ шуд
Дар Масқат масъалаи рушди ҳамкории Тоҷикистону Умон дар соҳаи тандурустӣ баррасӣ шуд
Рушди муносибатҳои дуҷонибаи Тоҷикистон ва Кувайт баррасӣ шуд
Идибек Қаландар дар Муколамаи сатҳи баланди сиёсӣ ва амниятии Иттиҳоди Аврупо ва Осиёи Марказӣ иштирок намуд
Сафири Тоҷикистон дар Давлати Кувайт бо Дабири кулли Муколамаи ҳамкории Осиё мулоқот намуд
Мероси Мир Сайид Алии Ҳамадонӣ дар нишасти байналмилалӣ дар Теҳрон баррасӣ гардид
Мусоҳибаи Сафири Ҷумҳурии Тоҷикистон дар Салтанати Умон Зубайдулло Зубайдзода бо рӯзномаи «Умон»
Идибек Қаландар бо муовини Дабири кулли Хадамоти амалиёти хориҷии Аврупо мулоқот намуд
Дар Теҳрон масоили рушди ҳамкории Тоҷикистон ва Эрон дар соҳаи нақлиёт баррасӣ гардид
Қоҳир Расулзода ҳамдардии амиқи Ҳукумат ва мардуми Тоҷикистонро ба давлат ва мардуми Давлати Қатар иброз намуд
Таҳкими ҳамкорӣ байни сохторҳои дахлдори иқтисодии Тоҷикистон ва Умон баррасӣ шуд
Дар Ню-Йорк натиҷаҳои Конфронси чоруми байналмилалии сатҳи баланд оид ба об дар Душанбе муаррифӣ шуданд
