ФУТБОЛ: дастаи мунтахаби ҷавонони Тоҷикистон бар дастаи Бангладеш ғалаба ба даст оварда, дар гуруҳи «Е» ба ҷои аввал баромад!
ДУШАНБЕ, 22.07.2017 /АМИТ «Ховар»/. Шоми дирӯз дар даври дуюми марҳилаи интихобии Чемпионати Осиё-2018 дар гурӯҳи «Е» дастаи мунтахаби ҷавонони Тоҷикистон оид ба футбол бар дастаи ҷавонони Бангладеш бо ҳисоби 3:1 ғалаба кард. Ин бозӣ дар шаҳри Хеврони Фаластин баргузор гардид.
Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, қисми аввали бозӣ бо ғалабаи дастаи мунтахаби ҷавонони Бангладеш бо ҳисоби 0:1 анҷом ёфт, вале футболбозони мо дар қисми дуюм бартарӣ нишон дода, ба дарвозаи ҳариф 3 гол заданд. Тубҳоро Амирҷон Сафаров, Нозим Бобоҷонов ва Зоир Ҷӯрабоев ба ҳадаф расониданд.
Ёдовар мешавем, ки 19 июл дастаи мунтахаби футболи ҷавонони Тоҷикистон дар марҳилаи интихобии Ҷемпионати Осиё-2018 дар гурӯҳи «Е» бозии аввалашро бо дастаи мунтахаби ҷавонони Фаластин бо ҳисоби мусовӣ 2:2 анҷом дода буд.
Ҳарифи навбатии дастаи мунтахаби футболи ҷавонони Тоҷикистон дастаи Урдун аст. Бозӣ фардо, 23 июл баргузор мешавад.
Дар бозии дигари даври дуюми гурӯҳи «Е» дастаи мунтахаби футболи ҷавонони Фаластин бар дастаи мунтахаби футболи ҷавонони Урдун бо ҳисоби 3:2 ғолиб омад.
Акнун Тоҷикистон дар ҷадвали гурӯҳ бо 4 хол садрнишин аст. Фаластин ҳам, ки 4 хол дорад, дар ҷои дуюм, Урдун бо 3 хол дар мақоми сеюм мавқеъ доранд.
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
