Нишасти матбуотии Кумитаи кор бо занон ва оила пагоҳ дар толори Маркази матбуоти ҷумҳуриявии «Ховар» баргузор мешавад

ДУШАНБЕ, 27.07.2017 /АМИТ «Ховар»/. Пагоҳ, 28 июли соли 2017 роҳбарияти Вазорати молияи Ҷумҳурии Тоҷикистон,  Кумитаи кор бо занон ва оилаи назди Ҳукумати Ҷумҳурии Тоҷикистон, Агентии назорати давлатии молиявӣ ва мубориза бо коррупсияи Ҷумҳурии Тоҷикистон оид ба натиҷаҳои фаъолият дар нимсолаи аввали соли равон нишасти матбуотӣ баргузор мекунанд.

Мулоқоти роҳбарияти Кумитаи кор бо занон ва оилаи назди Ҳукумати Ҷумҳурии Тоҷикистон бо намояндагони воситаҳои ахбори омма соати 9:00 дар толори Маркази матбуоти ҷумҳуриявии «Ховар» (хиёбони Рӯдакӣ, 40) таъйин шудааст.

Нишасти матбуотии Агентии назорати давлатии молиявӣ ва мубориза бо коррупсияи Ҷумҳурии Тоҷикистон соати 9:00 дар маҷлисгоҳи Агентии мазкур (кӯчаи Карамов, 20) гузаронида мешаванд.

Вазорати молияи Ҷумҳурии Тоҷикистон намояндагони воситаҳои ахбори оммаро ҷиҳати иштирок дар нишасти матбуотӣ оид ба ҷамъбасти нимсолаи аввали соли равон соати 9:00  ба маҷлисгоҳи Вазорати мазкур  даъват кардааст.

Хотиррасон мешавем, ки мутобиқи Амри Президенти Ҷумҳурии Тоҷикистон аз 15 сентябри соли 2011   вазорату идораҳо ва ташкилоту муассисаҳои мамлакат баъд аз ҷамъбасти натиҷаҳои фаъолияти шашмоҳа ва солона ҳар сол ду маротиба нишастҳои матбуотӣ баргузор карда, ба саволҳои намояндагони ВАО   посух медиҳанд.