Олимхон Рабиев академики Академияи мусаввирии ҷаҳонии «Новая эра» гардид
ДУШАНБЕ, 11.07.2017 /АМИТ «Ховар»/. Дирӯз дар Академияи мусаввирии Тоҷикистон маросими ботантанаи супоридани шаҳодатнома ва нишони сарисинагии Академияи мусаввирии Тоҷикистон ва Академияи мусаввирии ҷаҳонии «Новая эра» баргузор гардид.
Дар ҷараёни маросим ба президенти Академияи мусаввирии Тоҷикистон Олимхон Рабиев шаҳоданома ва нишони сарисинагии Академияи мусаввирии ҷаҳонии «Новая эра» супорида шуд. Олимхон Рабиев барои саҳми арзандааш дар рушди санъати тасвирии ватанӣ ва ҷаҳонӣ бо унвони фахрии Академики Академияи мусаввирии ҷаҳонии «Новая эра» қадр гардид.
Ҳамчунин президенти Академияи мусаввирии ҷаҳонии «Новая эра»-и Федератсияи Россия Анатолий Силов низ соҳиби унвони фахрии Академики Академияи мусаввирии Тоҷикистон гардид.
Бояд зикр кард, ки Анатолий Силов соли 2016 ба Тоҷикистон ташриф оварда, дар Намоиши байналмилалии рассомон баҳри сулҳ «Гавҳари Роҳи бузурги абрешим» иштирок карда буд. Дар бисёр кишварҳои ҷаҳон кору фаъолият намуда, ба хазинаи мусаввирии ҷаҳонӣ дурдонаҳои нодир туҳфа кардааст. Ӯ нақл кард, ки бо асарҳои офаридаи рассомони тоҷик ҳанӯз солҳои 70-и асри гузашта шинос буд ва ба рушди имрӯзаи ин намуди санъат дар Тоҷикистон баҳои баланд дод.
Олимхон Рабиев ва Анатолий Силов изҳор доштанд, ки ин иқдом заминаи мувофиқ барои рушди ҳамкорӣ ва ташкили намоишҳои якҷояи рассомони русу тоҷик ва табодули таҷрибаи байни онҳо хоҳад буд.
Таҳти унвони «Зеҳни сунъӣ ва омилҳои таъсирасон ба маърифати насли наврас» конференсия доир шуд
Дар Маркази тадқиқоти стратегӣ оид ба масъалаи тарбияи кадрҳои илмӣ ҳамоиш доир шуд
Дар Екатеринбург вохӯрии масъулини Сафорати Тоҷикистон бо ҷавонон ва донишҷӯёни тоҷик доир гардид
Файзалӣ Идизода дар Конфронси байналмилалии парламентӣ дар Ҷумҳурии Озарбойҷон иштирок намуд
Имрӯз дар водиҳои Тоҷикистон ҳаво то 27 дараҷа гарм мешавад
Дар Суғд барои омӯзгорони муассисаҳои таҳсилоти ибтидоии касбӣ машварати омӯзишӣ гузаронида шуд
ОГОҲӢ! Дар баъзе аз минтақаҳои Тоҷикистон чангу ғубор ба амал меояд
МегаФон Тоҷикистон: «Насиба Кенжаева аз ноҳияи Хуросон соҳиби Шоҳҷоизаи иқдоми «МегаМиллион» гардид»
Ҷаласаи минтақавии Кумитаҳои миллии ҳамоҳангсози содагардонии расмиёти савдои кишварҳои Осиёи Марказӣ доир гардид
Дар ноҳияи Спитамен беш аз 2000 нафар кӯдак ба таълиму тарбия фаро гирифта шудаанд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Орзуи миллионер шудан бо ZET-MOBILE воқеъист
