Санҷишҳои зиддисўхторӣ дар лагерҳои тобистонаи Тоҷикистон оғоз гардиданд
ДУШАНБЕ, 18.07.2017 /АМИТ «Ховар»/. Вазорати корҳои дохилии Ҷумҳурии Тоҷикистон баҳри сари вақт ошкору бартараф намудани омилу сабабҳои ба амал омадани ҳодисаҳои нохуши сўхтор дар фароғатгоҳу лагерҳои истироҳатии беруназшаҳрии мактаббачагон ва майдончаҳои истироҳатии наздимактабӣ чорабиниҳои профилактикӣ-оташнишонӣ, ташвиқоту тарғиботи риояи ҳатмии талаботи меъёр ва қоидаҳои бехатарӣ аз сўхторро баргузор менамояд.
Тавре аз Вазорати корҳои дохилӣ хабар доданд, дар доираи чорабиниҳои мазкур мутахассисони Сарраёсати Хадамоти оташнишонии ВКД дар якҷоягӣ бо нозирону муҳандисони назорати давлатии бехатарӣ аз сўхтори Хадамоти давлатии оташнишонии ноҳияи Варзоб дар фароғатгоҳи бачагонаи «Барқчиён» ва истироҳатгоҳи «Гулхан», воқеъ дар дараи хушманзараи Варзоб, ки дар ҳар як кадоми онҳо зиёда аз 200 нафар мактаббачагон таътили тобистонаи худро гузаронида истодаанд, корҳои профилактикӣ-фаҳмондадиҳӣ ва бо дастаҳои идоравии оташнишонии онҳо машғулиятҳои назариявию амалии зиддисўхторӣ ташкил ва баргузор намуданд.
Ба иттилои манбаъ, барои дар сатҳи баланд ба роҳ мондани ҳолати бехатарӣ аз сўхтор ба роҳбарият ва шахсони масъул дастуру пешниҳодҳои зарурии зиддисўхторӣ дода шуд. Кор дар ин самт дар тамоми фароғатгоҳу лагерҳои истироҳатии шаҳру ноҳияҳои ҷумҳурӣ идома дорад.
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
