Туҳфаи Хадамоти зиддиинҳисории Тоҷикистон ба сокинони Душанбе
ДУШАНБЕ, 03.07.2017 /АМИТ «Ховар»/. 1 июл дар шаҳри Душанбе барои сокинони бинои 93/1-и хиёбони Рӯдакии шаҳри Душанбе ид болои ид омад: онҳо ба ифтихори ҷашни Рӯзи Ваҳдати миллӣ соҳиби майдончаи фароғатию варзишӣ гаштанд, ки аз ҷониби Хадамоти зиддинҳисории назди Ҳукумати Ҷумҳурии Тоҷикистон бунёд карда шудааст.
Тавре ба АМИТ «Ховар» аз Хадамоти зиддинҳисории назди Ҳукумати Ҷумҳурии Тоҷикистон хабар доданд, дар маросими ифтитоҳи он муовини аввали Раиси шаҳри Душанбе Маҳмадсаид Зувайзода, сардори Хадамоти зиддинҳисории назди Ҳукумати Ҷумҳурии Тоҷикистон Саъдӣ Қодирзода ва Раиси ноҳияи Исмоили Сомонӣ Шариф Самеъ иштирок карданд.
Бояд тазаккур дод, ки қаблан дар саҳни ҳавлии бино шароит барои истироҳати бошандагон ва бозии бачагон шароити зарурӣ набуд. Тавре сардори Хадамоти зиддиинҳисорӣ Саъдӣ Қодирзода гуфт, тавассути ҷидду ҷаҳди кормандони ниҳод симои он ба куллӣ тағйир дода шуд. Масоҳати беш аз 1500 метри мураббаи майдонча хеле зебо ва бо се даромад панҷара гирифта шуд. Дар дохили он се айвони фароғатӣ, майдончаи варзишӣ, майдончаи бозии кӯдакон бунёд гардида, 8 курсӣ гузошта шудааст. Атрофи майдонча барои гашту гузори сокинон кошинкорӣ гардид. Ҳамзамон барои ба вуҷуд овардани муҳити созгори фароғатӣ масоҳати 400 метри мураббаъ сабзазор карда шуда, дар он ниҳолу буттаҳои ороишӣ ва гулҳои рангоранг шинонда шуданд.
Ҳангоми боздид аз майдончаи нав Маҳмадсаид Зувайдзода барои замонавию ҷолиб обод намудани як гӯшаи пойтахт ба кормандони Хадамоти зиддинҳисорӣ арзи сипос намуд.
ДУШАНБЕ – ШАҲРЕ, КИ ҲАР РӮЗУ СОАТ ЗЕБОТАРУ ДИЛРАБОТАР МЕШАВАД. Дар пойтахт бунёди 9 роҳи дусатҳаи дигар ба нақша гирифта шудааст
Доир ба нақши Пешвои миллат Эмомалӣ Раҳмон дар таҳкими давлатдории навини тоҷикон конференсия баргузор гардид
Иҷлосияи ғайринавбатии бистуми Маҷлиси вакилони халқи шаҳри Душанбе, даъвати шашум баргузор мегардад
ЗАХИРА БАРОИ ЗИМИСТОН. Дар сардхонаҳои махсуси шаҳри Душанбе 18 238,3 тонна маҳсулоти хӯрокворӣ захира гардидааст
Таҷлили Рӯзи Парчами давлатии Ҷумҳурии Тоҷикистон дар шаҳри Душанбе
Ғолибони озмунҳои шаҳрии «Беҳтарин донандаи Конститутсия» ва «Омилҳои коррупсиониро маҳкум месозем» қадрдонӣ шуданд
Шурои якуми соҳибкорзанон баргузор шуд
Дар шаҳри Душанбе Рӯзи Президенти Тоҷикистон бошукӯҳ таҷлил гардид
«КОНСТИТУТСИЯ-КАФИЛИ ҲУҚУҚУ ОЗОДИҲОИ ИНСОН». Дар Мақомоти иҷроияи ҳокимияти давлатии шаҳри Душанбе ҳамоиши тантанавӣ доир шуд
31 ОКТЯБР-РӮЗИ ҶАҲОНИИ ШАҲРҲО. Зиёд гардидани ҳудуди сохтмонии шаҳри Душанбе то 25 ҳазор гектар дар соли 2040 пешбинӣ гардидааст
Дар Душанбе барои таҷлил намудани Рӯзи Парчами давлатии Ҷумҳурии Тоҷикистон омодагӣ мебинанд
Дар Душанбе Рӯзи Президенти Ҷумҳурии Тоҷикистон дар сатҳи баланд таҷлил мегардад
