ВАРЗИШГАРИ ТОҶИК МЕҲРУБОН САНГИНОВ ЧЕМПИОНИ ҶАҲОН ОИД БА БОКС ШУД!
ДУШАНБЕ, 25.07.2017./АМИТ «Ховар»/. Варзишгари тоҷик Меҳрубон Сангинови 21-сола дар мусобиқаи бокси ҳирфаӣ пас аз пирӯзӣ бар Стефен Дерстайни амрикоӣ ба унвони чемпиони ҷаҳон оид ба бокси ҳирфаӣ дар вазни 76,2 кило аз рӯи равияи WBB (“World Boxing Board”) шарафёб гардид.
Ин қувваозмоӣ рӯзи 22-юми июл дар шаҳри Шарлоттаи иёлати Каролинаи ИМА баргузор шуд. Меҳрубон Сангинов дар раунди аввал бо нокаути фаннӣ рақибашро шикаст дод.
То ин мусобиқа варзишгари амрикоӣ Мигел Котто соҳиби унвони чемпиони ҷаҳон аз рӯи равияи WBB буд. Тавре Меҳрубон Сангинов дар саҳифи худ дар Facebook навиштааст, дар ин ғалабаи ӯ саҳми мураббиаш мутахассиси қазоқ Сагатбек Мӯсохонов ва аввалин устодаш Парвиз Аҳмадов калон аст.
Дар айни ҳол муштзани тоҷик дар Лас-Вегаси ИМА, дар толори Флойд Мейвезер, таҳти раҳбарии Сагатбек Мӯсохонов тамрин мекунад.
МАЪЛУМОТНОМАИ АМИТ «ХОВАР»:
Меҳрубон Сангинов 3 феврали соли 1996 дар шаҳри Душанбе таваллуд шудааст. Аз соли 2011 дар Муассисаи давлатии «Мактаби ҷумҳуриявии маҳорати олии варзишӣ» таҳти роҳбарии Мураббии шоистаи Тоҷикистон оид ба бокс, Устоди варзиши СССР Парвиз Аҳмедов фаъолият менамояд.
Аз соли 2014 узви Ҳизби Халқии Демократии Тоҷикистон мебошад.
Меҳрубон Сангинов аз сини 12-солагӣ дар мусобиқаҳои гуногуни байналмилалӣ таҳти парчами Ҷумҳурии Тоҷикистон ҳунарнамоӣ мекунад.
Феълан М. Сангинов дар яке аз донишгоҳҳои Қазоқистон дар риштаи ҳуқуқ таҳсил менамояд ва муваққатан дар он ҷо зиндагӣ дошта, бо Федерацияи бокси касбии Қазоқистон ҳамкорӣ ва зери роҳбарии Мураббии шоистаи Қазоқистон Сагатбек Мӯсахонов машқу тамрин менамояд.
Падараш Маҳмуд Сангинов намояндаи ширкати ҳавопаймоии «Сомон Эйр» дар Фурудгоҳи байналмилалии шаҳри Алмаато мебошад.
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
