Варзишгарони тоҷик дар Чемпионати Осиё оид ба дзюдо соҳиби 5 медал гардиданд
ДУШАНБЕ, 17.07.2017 /АМИТ «Ховар»/. Паҳлавонони тоҷик дар мусобиқаи Чемпионати Осиё оид ба дзюдо байни наврасон, ки 16 июл дар пойтахти Қирғизистон – шаҳри Бишкек анҷом ёфт, як медали тилло, як нуқра ва се медалии биринҷӣ ба даст оварданд.
Тавре аз Кумитаи миллии олимпии Тоҷикистон ба хабарнигори АМИТ «Ховар» иттилоъ доданд, дар мусобиқа медали тиллоро варзишгари ҷавони тоҷик Раҳматуллобек Фарҳодов дар вазни 81 кг ба даст овард. Раҳматуллобек, ки дар даври аввал озод буд, дар даври дуюм Амит Найнии ҳиндустониро шикаст дод. Ӯ дар нимфинал бар варзишгари ҷопонӣ Ҳиромаса Касаҳара ва дар финал бар паҳлавони эронӣ Ҷавод Муродӣ ғалаба кард.
Варзишгари дигари тоҷик Темур Раҳимов дар вазни 100 кг соҳиби медали нуқра гардид. Ӯ сараввал Тсетсетсенгел Одхууи муғулистонӣ ва дар нимфинал Алӣ Парҳезгори эрониро мағлуб кард, аммо дар финал аз варзишгари дигари муғулистонӣ Хангал Одбаатари шикаст хӯрд.
Машраб Раҳмонов дар вазни 90 кг соҳиби медали биринҷӣ шуд. Ӯ дар марҳилаи муқаддамотӣ аз Кошӣ Нагай (Ҷопон) мағлуб шуда, сипас рақобатро барои медали биринҷӣ идома дод. То ба ҷои сеюм расидан ӯ дар ду қувваозмоӣ бар Каллапа Лоҳар (Ҳиндустон) ва Лӣ Тай (Ветнам) ғалаба ба даст овард.
Хотиррасон менамоем, ки дар ин мусобиқа 178 варзишгар (107 мард, 71 зан) аз 17 давлати Осиё иштирок карданд. Дар ҳисоби даставӣ Ҷопон бо ба даст овардани 5 медали тилло ва 6 биринҷӣ ҷои аввалро сазовор шуд. Кореяи Ҷанубӣ бо 3 медали тилло, 3 нуқра, 2 биринҷӣ ҷои дуюм, Қазоқистон бо 3 медали тилло, 1 нуқра ва 5 биринҷӣ ҷои сеюмро ишғол карданд. Дастаи Тоҷикистон бо як медали тилло, як нуқра ва се биринҷӣ мақоми ҳафтумро касб намуд.
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
