Дар осоишгоҳи «Сатурн» масъалаҳои рушди инфрасохтори сайёҳӣ баррасӣ шуданд
ДУШАНБЕ, 08.08.2017 /АМИТ «Ховар»/. Имрӯз дар осоишгоҳи «Сатурн» бо ташаббуси Кумитаи рушди сайёҳии назди Ҳукумати Ҷумҳурии Тоҷикистон саёҳат ва ҷамъомади роҳбарони ширкатҳои сайёҳӣ ва як гурӯҳ соҳибкорон баргузор шуд.
Тавре аз Кумитаи рушди сайёҳии назди Ҳукумати Ҷумҳурии Тоҷикистон хабар доданд, ҳадафи ҷамъомад аз ба ҳам овардани ширкатҳои сайёҳӣ ва меҳмонхонаву осоишгоҳҳо, муаррифии имкониятҳои меҳмонхонаву осоишгоҳҳо, истифодаи имкониятҳои мавҷуда ҷиҳати ҷалби бештари сайёҳон ва баланд бардоштани хизматрасонии онҳо иборат буд.
Раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода иброз дошт, ки зери сиёсати хирадмандонаи Асосгузори сулҳу Ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мамлакатамон ободу зебо гардида, талаботи шаҳрвандони дохилию хориҷӣ барои боздид аз маконҳои тамошобоби Тоҷикистон, аз ҷумла осоишгоҳ ва табобатгоҳ рӯ ба афзоиш ниҳодааст.
Бо ташаббуси Пешвои миллат Қонуни Ҷумҳурии Тоҷикистон «Дар бораи сайёҳии дохилӣ» ба имзо расид, ки барои боз ҳам мукаммал гардидани заминаи меъёрии ҳуқуқии соҳаи сайёҳӣ ва фароҳам овардани шароити мусоид барои ташаккул ва рушди сайёҳии дохилӣ мусоидат менамояд.
«Ин тамоюл мунтазам идома меёбад ва дар навбат мавзеъҳои диданибоби ноҳияи Ховалинг, мавзеи Сари Хосор, мавзеи Канаски дараи Ромит, имкониятҳои сайёҳии ноҳияи Дарвоз, Осоишгоҳи табобатии «Гармчашма» дар ВМКБ қарор доранд. Мо аз рӯи имконият чорабиниҳои навбатии худро дар ин минтақаҳо бо иштироки ширкатҳои сайёҳӣ доир менамоем»,-иброз дошт раиси Кумита.
Барои таҳияи хатсайрҳои сайёҳии нав ва қонеъ намудани эҳтиёҷоти зарурии сайёҳони дохилию хориҷӣ, мавҷудияти инфрасохтори рушдёфта, аз қабили шабакаи роҳҳо, меҳмонхонаҳо, пойгоҳҳои сайёҳӣ, осоишгоҳҳо, иншооти фароғатӣ, мусофиркашонии байналмилалӣ ва нақлиёти дохилӣ, хизматрасонии замонавии алоқа ва бонкӣ таъсири муҳим мерасонанд.
Бо ин мақсад Кумитаи навтаъсиси рушди сайёҳӣ бо масъулини иншооти қабулу хизматрасонӣ масъалаҳои рушди инфрасохтори сайёҳӣ дар ҷумҳурӣ ва тарзҳои роҳандозии имкониятҳо байни ширкатҳои сайёҳӣ ва меҳмонхонаву осоишгоҳҳоро мавриди баррасӣ қарор дод.
Осоишгоҳи «Сатурн» бо истифода аз шароити муосири хуби хизматрасонӣ бо мақсади истироҳат ва табобат дар як вақт метавонад 100 нафар шаҳрвандро қабул ва бо ҷойи хоб таъмин намояд.
Дар Душанбе масъалаи минтақаҳои осебпазири Тоҷикистон ва идораи хатари офатҳои табиӣ баррасӣ шуд
Созмони ҷаҳонии тандурустӣ хуруҷи бемории Mpox-ро ҳолати фавқулодаи ҷаҳонӣ эълон намуд
Имрӯз филмбардор ва аккоси маъруф Заур Дахте аз олам даргузашт
Бар асари обхезӣ дар Африқои Ғарбӣ беш аз 70 нафар ҳалок гардид
Лайфхак: чӣ тавр метавон ҳаҷми интернети мобилиро бештар кард
СОЛИ МАЪРИФАТИ ҲУҚУҚӢ. Дар Хуҷанд доир ба баланд бардоштани маърифати ҳуқуқии аҳолӣ вохӯрӣ доир шуд
СОЛИ МАЪРИФАТИ ҲУҚУҚӢ. Дар «Тоҷикаэронавигатсия» доир ба такмили донишҳои ҳуқуқӣ ҳамоиш баргузор шуд
ТАВАҶҶУҲ! Вазорати меҳнат, муҳоҷират ва шуғли аҳолӣ: «Аз шаҳрвандони Тоҷикистон даъват мешавад, ки талаботи нави қонунгузорӣ дар самти муҳоҷиратро дар Русия риоя кунанд»
Дар натиҷаи тирпаронӣ дар Донишгоҳи амрикоии иёлати Вирҷиния чор нафар маҷруҳ шуд
Дар Бадахшон 30-солагии таъсиси Кумитаи ҳолатҳои фавқулода ва мудофиаи граждании Тоҷикистон таҷлил шуд
Олимони тоҷик дар машварати илмӣ оид ба баланд бардоштани самаранокии идоракунии хавфҳои биологӣ иштирок намуданд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиш доир шуд
