Дар Тоҷикистон теъдоди донорҳо торафт меафзояд
ДУШАНБЕ, 11.08.2017 /АМИТ «Ховар»/. Муассисаи давлатии «Маркази ҷумҳуриявии илмии хун»-и назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон нақша дорад то охири соли 2017 шумораи донорон ё хунсупорандагони ҷумҳуриро ба 50 ҳазор нафар расонад. Дар ин бора ба мухбири АМИТ «Ховар» аз Вазорати тандурустӣ ва ҳифзи иҷтимоии аҳолии ҶТ хабар доданд.
Зикр гардид, ки айни замон шумораи хунсупорандагон дар «Маркази ҷумҳуриявии илмии хун» ба 40 ҳазор нафар баробар мебошад. Бино ба иттилои манбаъ, то соли 2011 шумораи хунсупорандагон дар кишвар 25 ҳазор нафарро ташкил медод.
Тибқи иттилои Алишер Кабиров, муовини директори Муассисаи давлатии «Маркази ҷумҳуриявии илмии хун», давра ба давра беҳтар гардидани шароити хуби корӣ, истифодаи имкониятҳои мавҷуда, такмили заминаи моддию техникӣ, корҳои ташвиқотӣ миёни сокинон ва муассисаҳои давлатӣ сабаб гардид, ки шумораи донорон ба маротиб рӯ ба афзоиш оварад.
Таҳлилҳо нишон медиҳанд, ки кормандони Муассисаи давлатии «Маркази ҷумҳуриявии илмии хун» аз аввали соли равон то имрӯз аз донорон ба миқдори 11 ҳазору 224 литр хун гирифтаанд, ки дар ҳолатҳои зарурӣ ба шахсони бемор гузаронида мешавад.
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
Дар ноҳияи Роштқалъа корҳои биотехникӣ идома доранд
Дар Ҳисор муоинаи техникаҳои кишоварзӣ ва омодагии онҳо ба мавсими кишт гузаронида шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар шаҳри Душанбе ҳаво то 24 дараҷа гарм мешавад
Имрӯз дар Тоҷикистон ҳавои тағйирёбанда пешгӯӣ мешавад
Дар «Саноатсодиротбонк» чорабинии тантанавӣ ба ифтихори таҷлили Рӯзи Модар баргузор гардид
Имрӯз дар шаҳри Душанбе борони кӯтоҳмуддат меборад
