Майдончаи варзишӣ – туҳфаи Вазорати нақлиёт ба сокинони кӯчаи Туниси шаҳри Душанбе
ДУШАНБЕ, 18.08.2017 /АМИТ «Ховар»/. Вазорати нақлиёти Ҷумҳурии Тоҷикистон дар қатори дигар вазорату идораҳои кишвар дар пойтахт майдончаи варзишӣ ва бозии кӯдаконро ба истифода дод, ки дар маросими ифтитоҳи он муовини аввали Вазири нақлиёти ҷумҳурӣ Сӯҳроб Мирзоев ва муовини раиси шаҳри Душанбе Мавсума Муинӣ иштирок намуданд.
Майдончаи варзишӣ ва бозии кӯдакон дар назди биноҳои истиқоматии рақамҳои 8 ва 9-и кӯчаи Туниси ноҳияи Сино аз ҷониби сохтмончиёни ширкати «Маҳмил-2012» бо сифати баланд ва дар муҳлати муайяншуда ба истифода дода шуд.
Иншооти мазкур дар масоҳати умумии 1740 метри мураббаъ доман густурда, аз майдончаҳои универсиалӣ барои бозиҳои футбол, баскетбол, волейбол ва таҷҳизоти гуногуни варзишӣ, зинапоя ва арғунчакҳои гуногун барои бозии кӯдакон иборат мебошад. Инчунин барои истироҳату фароғати бошандагони кӯчаи Тунис ду адад айвонча бунёд гардида, дар атрофаш гулу ниҳолҳои ороишию сояафкан шинонида шудааст. Роҳҳои атрофи майдончаи варзишӣ аз ҷониби Вазорати нақлиёти кишвар дар масоҳати 1000 метри мураббаъ мумфарш гардидаанд.
Бунёди майдончаи варзишӣ аз ҷониби Вазорати нақлиёти Ҷумҳурии Тоҷикистон ба сокнинони кӯчаи Туниси пойтахт туҳфаи арзандаест дар арафаи ҷашни 26-умин солгарди Истиқлолияти давлатии Ҷумҳурии Тоҷикистон.
35 ШОҲКОРӢ ДАР ДУШАНБЕ. Дар даврони соҳибистиқлолӣ пойтахти Тоҷикистон ба яке аз шаҳрҳои зеботарини минтақа табдил ёфт
«БУРҶИ ДУШАНБЕ» — 77 ОШЁНА ВА 340 МЕТР БАЛАНДӢ. Сохтмони баландтарин иншоот дар пойтахти Тоҷикистон оғоз гардид
Раиси шаҳри Душанбе Рустами Эмомалӣ бинои нави Кумитаи дин ва танзими ҷашну маросимро ифтитоҳ намуданд
Имсол кӯчаи Абдулаҳад Қаҳҳоров мавриди истифода қарор дода мешавад
Шумораи воситаҳои нақлиёти мусофирбар дар шаҳри Душанбе 20 фоиз зиёд карда шуд
ДУШАНБЕИ ИДОНА. Дар пойтахти Тоҷикистон ба истиқболи 35-солагии Истиқлоли давлатӣ омодагӣ мегиранд
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
35-СОЛАГИИ ИСТИҚЛОЛИЯТИ ДАВЛАТӢ. Дар пойтахти Тоҷикистони соҳибистиқлол — Душанбе лоиҳаҳои азими роҳсозӣ татбиқ гардиданд
Дар ноҳияи Фирдавсии пойтахт корхонаи истеҳсолии ҶСП «Нур Пласт» ба истифода дода шуд
РУШДИ БЕСОБИҚАИ ДУШАНБЕ ДАР 35 СОЛИ СОҲИБИСТИҚЛОЛӢ. Мулоҳизаҳои муовини Раиси Маҷлиси намояндагон Мавсума Муинӣ
35-СОЛАГИИ ИСТИҚЛОЛИ ДАВЛАТӢ. Дар ноҳияҳои Сино ва Шоҳмансури шаҳри Душанбе иншооти муҳим ба истифода дода шуданд
«Фестивали тобистонаи Душанбе – 2026» бо барномаи бошукуҳи фарҳангию фароғатӣ ҷамъбаст гардид
