Президенти Тоҷикистон: «Фаромӯш набояд кард, ки сулҳу суботи кишварамон ба осонӣ муяссар нашудааст»

Август 17, 2017 14:55

ДУШАНБЕ, 17.08.2017 /АМИТ «Ховар»/. Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  дар мулоқот бо  роҳбарону фаъолон ва сокинони ноҳияи Дӯстии вилояти Хатлон оид ба содир намудани ҷиноят, махсусан ҷиноятҳои вазнин ва коррупсионӣ сухан гуфтанд.

Пешвои милат зикр намуданд, ки дар шаш соли охир аз ҷониби Агентии назорати давлатии молиявӣ ва мубориза бо коррупсия 109 ҷинояти коррупсионӣ ва иқтисодии дорои хусусияти коррупсионӣ, инчунин ҷиноятҳои вобаста ба андоз ошкор карда шудаанд, ки 19 ҳолати онҳо ҷиноятҳои вазнин мебошанд.

Инчунин иброз гардид, ки дар ноҳия вазъи татбиқи Қонун «Дар бораи танзими анъана ва ҷашну маросимҳо» низ хеле ташвишовар мебошад. Бинобар ин, мақомоти ҳифзи ҳуқуқ, аз ҷумла Прокуратураи генералӣ, Вазорати корҳои дохилӣ, Агентии назорати давлатии молиявӣ ва мубориза бо коррупсия, роҳбарони ноҳия ва ҷамоатҳои шаҳраку деҳот вазифадоранд, ки корҳои пешгирикунанда ва тарғиботиву фаҳмондадиҳиро дар байни аҳолӣ пурзӯр намуда, риояи ҳатмии Қонун «Дар бораи танзими анъана ва ҷашну маросимҳо», дигар қонунҳо ва умуман волоияти қонунро таъмин намоянд.

Ҳамчунин таъкид гардид, ки вазифаи роҳбарону фаъолони ноҳия, раисони ҷамоату маҳаллаҳо, кормандони соҳаи маориф, аҳли зиё, падару модарон ва шахсони таҷрибадор аз он иборат аст, ки минбаъд низ мардум, хусусан, наврасону ҷавононро ба таҳкими сулҳу субот, риояи қонунияту тартиботи ҳуқуқӣ, корҳои созандагиву ободкорӣ ва сарфаю сариштакорӣ ҳидоят намуда, ба вусъати амалҳои неки инсонӣ, аз ҷумла дастгирии ятимону маъюбон, оилаҳои камбизоат ва тарбияи дурусти фарзандон эътибори аввалиндараҷа диҳанд.

«Фаромӯш набояд кард, ки сулҳу суботи кишварамон ва ваҳдати миллие, ки имрӯз дар сарзамини мо торафт таҳкиму тақвият пайдо мекунад, ба осонӣ муяссар нашудааст. Баҳои сулҳу оромиро, махсусан сокинони ноҳияи Дӯстӣ хуб медонанд. Аз ин лиҳоз, мо вазифадорем, ки минбаъд низ бо эҳсоси баланди ватандориву ватансозӣ ва ваҳдату ҳамбастагӣ ба хотири пешрафти Ватанамон саъю кӯшиш кунем ва бовар дошта бошем, ки бо заҳмати созандаву содиқона ба рӯзҳои аз ин ҳам беҳтару осуда хоҳем расид»,-баён  намуданд Президенти кишвар Эмомалӣ Раҳмон.

 

Август 17, 2017 14:55

Хабарҳои дигари ин бахш

Давоми шаш моҳ аз ноҳияи Фирдавсӣ қариб 1700 нафар аъзои Ҳизби Халқии Демократии Тоҷикистон гардид
Имрӯз дар Тоҷикистон ҳарорати ҳаво ба 34 дараҷа мерасад
Имрӯз дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
Пагоҳ дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
Намояндагони Федератсияи футболи Тоҷикистон дар конфронси тиббии КФО иштирок намуданд
Имрӯз дар Тоҷикистон хавфи сар задани селҳои пиряхӣ боқӣ мемонад
Дар шаҳри Бохтар аз ҷониби Ҳизби Халқии Демократии Тоҷикистон 933 чорабинӣ доир карда шуд
Дар Тоҷикистон беш аз 45 миллион адад дору ва молҳои тиббӣ истеҳсол гардидаанд
Имрӯз дар Тоҷикистон ҳавои тағйирёбанда дар назар аст
28 июл дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
НИШАСТИ МАТБУОТӢ. Дар Тоҷикистон дар беш аз 526 ҳазор метри мураббаъ хонаҳои истиқоматӣ ба истифода дода шудаанд
Байни Маркази тадқиқоти стратегии назди Президенти Ҷумҳурии Тоҷикистон ва Институти миллии тадқиқоти амниятии Муғулистон Ёддошти тафоҳум ба имзо расид