Дар Чин вохӯрии бисёрҷонибаи вазирони корҳои дохилии давлатҳои узви «Интерпол» доир гардид
ДУШАНБЕ, 27.09.2017 /АМИТ «Ховар»/. Дирӯз дар шаҳри Пекини Ҷумҳурии Мардумии Чин вохӯрии бисёрҷонибаи вазирони мақомоти корҳои дохилии давлатҳои узви Ташкилоти Байналмилалии Полиси ҷиноятӣ — «Интерпол» бо котиби Кумитаи сиёсии ҳуқуқии Бюрои сиёсии партияи коммунистии Ҷумҳурии Мардумии Чин Мэн Тсзян Чжува ва Вазири бехатарии ҷамъиятии ин кишвар Го Шенкун баргузор гардид.
Тавре ба АМИТ «Ховар» аз Вазорати корҳои дохилӣ хабар доданд, дар ҳамоиш Вазири корҳои дохилии Ҷумҳурии Тоҷикистон Рамазон Раҳимзода иштирок намуд. Дар ҷараёни вохӯрии бисёрҷониба ҳалли масъалаҳои ташкил ва ҳамоҳангсозии фаъолияти мақомоти салоҳиятдори ҳифзи ҳуқуқи давлатҳои аъзои «Интерпол» дар мубориза бо терроризм, экстремизм, сепаратизм ва дигар таҳдиду хатарҳои замони муосир мавриди баррасӣ қарор дода шуданд.
Зикр гардид, ки бо назардошти вазъи сиёсии ҷаҳон ва минтақа, таҳдиди ҷиноятҳои муташаккили замони муосир ба кишварҳои дунё нақш ва аҳамияти ташкилоти байналмилалии «Интерпол» аз ҳар вақта бештар гардидааст.
Зимни мулоқот зикр карда шуд, ки кормандони мақомоти ҳифзи ҳуқуқи кишварҳои аъзоро зарур аст, ки дар ҳамбастагӣ бо ҷиноятҳои хавфнок, аз қабили терроризм, экстремизм, савдои одамон, гардиши ғайриқонунии яроқу аслиҳа, маводи нашъадор ва дигар зуҳуроти номатлуби нигаронкунандаи ҷомеаи имрӯза муборизаи беамон баранд.
Бояд гуфт, ки «Интерпол» ташкилоти ҳифзи ҳуқуқи байналмилалӣ буда, соли 1923 дар шаҳри Вена бо қарори Конгресси байналмилалии полис таъсис ёфтааст.
Дар Кумитаи телевизион ва радио бахшида ба 30-солагии таъсиси Ҳизби Халқии Демократии Тоҷикистон ҳамоиш доир шуд
Ду сокини ноҳияи Ёвон барои риоя накардани қонуни танзим ҷарима карда шуданд
Дар Беморхонаи марказии шаҳри Кӯлоб хизматрасонии тиббӣ беҳтар мешавад
«ПЕШВОИ МАН-ИФТИХОРИ МАН». Дар Душанбе байни кӯдакони ятиму бепарастор озмун оғоз гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ҳунармандони Мастчоҳ соҳиби грантҳои раиси ноҳия шуданд
«НАҚШИ ҶАВОНОН ДАР ДАВРОНИ СОҲИБИСТИҚЛОЛӢ -ДАСТОВАРД ВА ДУРНАМО». Дар Душанбе ҳамоиши кормандони ҷавони соҳаи роҳи оҳан доир шуд
«МО НАКУНЕМ, КӢ МЕКУНАД?». Дар Душанбе бо иштироки волонтёрон аксияи зимистона баргузор гардид
Дар Академияи миллии илмҳои Тоҷикистон бахшида ба 30-солагии Ҳизби Халқии Демократии Тоҷикистон конференсия доир шуд
Дар Майотта бар асари тӯфони Чидо беш аз 20 нафар ҳалок гардид
Сардии ҳавои Бадахшон сабаби ҷорӣ шудани маҳдудият дар интиқоли муътадили неруи барқ гардид
Донишҷӯёни Донишгоҳи техникии Тоҷикистон дар Намоиш-озмуни «Меъмор-2024» соҳиби ҷойҳои намоён гардиданд
