Кумитаи рушди сайёҳӣ сайёҳони хориҷиро ба Тоҷикистон ба тамошои «Шоҳроҳи Абрешим» ҷалб мекунад
ДУШАНБЕ, 16.09.2017 /АМИТ «Ховар»/. 9-10 октябр дар Душанбе Конференсияи байналмилалии сайёҳӣ таҳти унвони «Тоҷикистон сарзамини сайёҳӣ» баргузор мегардад.
Тавре ба мухбири АМИТ «Ховар» аз маркази матбуоти Кумитаи рушди сайёҳии назди Ҳукумати Ҷумҳурии Тоҷикистон, ки созмондиҳандаи асосии чорабинӣ мебошад, хабар доданд, баргузории Конференсияи байналмилалии сайёҳӣ 9 октябри соли 2017 дар бинои Китобхонаи миллии Тоҷикистон дар назар аст. Дар заминаи он 10 октябр дар МД Боғи «Ирам» Фестивали сайёҳиву фарҳангии Мероси роҳи Абрешим таҳти унвони «Рангоранг» ба нақша гирифта шудааст.
Кумитаи рушди сайёҳӣ ҳадаф аз баргузории конференсияро дар муаррифии имкониятҳои сайёҳии Тоҷикистон, мубодилаи афкор вобаста ба густариши ҳамкории байни ширкатҳои сайёҳии ватанию хориҷӣ, истифодаи самараноки имкониятҳои «Шоҳроҳи Абрешим», омӯзиши таҷрибаи пешқадами байналмилалӣ ва тақвияти ҳамгироии минбаъдаи соҳаи сайёҳии Тоҷикистон ба бозори ҷаҳонии сайёҳӣ арзёбӣ намуд.
Дар ҳамоиш иштироки намояндагони Ҳукумати Ҷумҳурии Тоҷикистон, Маҷлиси намояндагони Маҷлиси Олии Ҷумҳурии Тоҷикистон, роҳбарони вазорату идораҳо ва мақомоти маҳаллӣ, муассисаҳои олии таълимӣ дар соҳаи сайёҳӣ, сафоратхонаҳои муқими шаҳри Душанбе, ширкатҳои сайёҳии ватаниву хориҷӣ, созмонҳо ва ташкилотҳои байналмилалӣ, меҳмонхонаҳо, осоишгоҳҳо, табобатгоҳҳо ва ширкатҳои ҳавопаймоӣ дар назар дошта шуда, инчунин меҳмонон аз як зумра мавзеъҳои сайёҳии ҷумҳурӣ боздид ба амал хоҳанд овард.
Интизор меравад, ки аз ҷониби корхонаву ташкилотҳои шаҳру ноҳияҳои ҷумҳурӣ, намояндагиҳои дипломатии масири Шоҳроҳи Абрешим гӯшаи фарҳангии минтақаҳо, намоиши мусаввараҳо ва ҳунарҳои дастӣ, барномаҳои фароғатӣ ва консертӣ, намоиши таомҳои хоси миллатҳои гуногун аз ҷониби сафоратхонаҳои муқими шаҳри Душанбе ташкил карда шаванд.
Қобили тазаккур аст, ки Ватани мо дар ин пайроҳаи таърихӣ қарор дорад ва бо дастгириҳои пайвастаи Ҳукумати ҷумҳурӣ, Кумитаи навтаъсиси рушди сайёҳӣ бо баргузории чунин чорабиниҳо талоши онро дорад, ки бо таблиғу ташвиқи бештар ҷалби сайёҳони хориҷиро баҳри боло бурдани рағбати тамошои «Шоҳроҳи Абрешим» ба Тоҷикистон афзояд.
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд
Дар Хуҷанд конференсияи байналмилалии илмӣ-амалии «Мероси Суғди бостонӣ» баргузор гардид
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Имконияту иқтидори сайёҳии шаҳри Душанбе дар Ҷумҳурии Мардумии Чин муаррифӣ мегардад
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
ВОДИИ ЯҒНОБ- ОСОРХОНАИ ЗИНДАИ ЭТНОГРАФӢ. Ин мавзеъ таваҷҷуҳи сайёҳонро зиёдтар ҷалб менамояд
