«ПАЙРАВОНИ ПЕШВОИ МИЛЛАТЕМ!»- ҳамоиши гирандагони стипендияҳои президентӣ дар шаҳри Душанбе
ДУШАНБЕ, 26.09.2017 /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар толори Донишгоҳи славянии Россия ва Тоҷикистон ҳамоиши гирандагони стипендияҳои президентӣ ва донишҷӯёни квотаи президентӣ таҳти унвони «Пайравони Пешвои миллатем» баргузор гардид.
Тавре ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ доданд, дар ҳамоиши мазкур зиёда аз 500 нафар гирандагони стипендияҳои президентӣ дар солҳои таҳсили мухталиф ва донишҷӯёни тариқи бурсияҳои президентӣ таҳсилкунанда иштирок намуданд.
Дар аввали ҳамоиш меҳмонон ва гирандагони стипендияи президентӣ аз минтақаҳои мухталифи кишвар, чун Давлатнисо Ошурбекова аз ВМКБ, ки айни замон донишҷӯи Донишгоҳи миллии Тоҷикистон аст, Моҳсафар Мирзоализода, гирандаи стипендияи президентӣ дар соли таҳсили 2017 -2018 аз вилояти Хатлон, Шоҳрух Юнусов, гирандаи стипендияи байналмилалии президентии «Дурахшандагон» аз вилояти Суғд, ки айни замон муҳассили Консерваторияи шаҳри Милани Италия мебошад ва Саъдулло Юсупов, роҳбари маҳфили «Стипендиатҳои ҷавон»-и Кумита аз шаҳри Душанбе маърӯзаи пурмуҳтаво намуданд.
Дар ҳамоиш ба гирандагони стипендияҳои президентӣ дар соли хониши 2017- 2018 аз ҷониби раиси Кумитаи кор бо ҷавонон ва варзиш дар вазъияти тантанавӣ шаҳодатнома супорида шуд.
Иштирокчиёни ҳамоиш бо миннатдорӣ ба Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои ғамхориҳои беназир ва эълони Соли ҷавонон муроҷиатнома қабул карданд.
Дар Панҷакент оид ба омодагии ҷавонон ба хизмати ҳарбӣ машварат баргузор шуд
Муовини Президенти Шурои ҷаҳонии ҳунарҳои мардумӣ дар минтақаи Осиё-Уқёнуси Ором бо тамаддуни тоҷикон шинос шуд
Бахшида ба 32-солагии Қувваҳои ҳарбӣ-ҳавоӣ ва мудофиаи зиддиҳавоӣ ҳамоиш доир шуд
Имрӯз дар шаҳри Душанбе ҳаво то 37 дараҷа гарм мешавад
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
