ТАҚВИМИ АМИТ «ХОВАР»: Имрӯз 26 сентябр, сешанбе, 269-умин рӯзи соли 2017 аст. То охири сол 96 рӯзи дигар боқӣ мондааст

Тақвими моро ҳар рӯз дар ин гӯша 

шореҳ Шукӯҳи ДАЛЕР варақ мезанад:

26 сентябри соли 1999 дар Ҷумҳурии Тоҷикистон барои ворид намудани тағйиру иловаҳо ба Конститутсия раъйпурсии умумихалқӣ баргузор гардид.

***

9 сол пеш, 26 сентябри соли 2008 дар Иёлоти Муттаҳидаи Америка Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мубоҳисаи умумии Иҷлосияи 63-юми Маҷмаи Умумии Созмони Милали Муттаҳид суханронӣ карда буданд.

***

26 сентябри соли 2011 дар ноҳияи Айнӣ хатти 220-киловолтаи Хуҷанд-Айнӣ ба истифода дода шуд.

26 СЕНТЯБР ТАҶЛИЛ КАРДА МЕШАВАД:

Рӯзи байналмилалии мубориза барои пурра нобуд кардани яроқи ядроӣ.

***

Рӯзи забонҳои аврупоӣ.

***

Дар Эквадор – Рӯзи парчами миллӣ.

РӮЙДОДҲО:

26 сентябри соли 2013 дар «Нарӯзгоҳ»- и пойтахт барои дарёфти Ҷоми Президенти Ҷумҳурии Тоҷикистон  мусобиқаи байналмилалии дзюдо баргузор гардид.

***

26 сентябри соли 1786 Англия ва Франсия созишномаи тиҷоратӣ ба имзо расониданд.

 ***

Дар ин рӯзи соли 1990 дар собиқ Иттиҳоди Шӯравӣ қонун дар бораи озодиҳои динӣ қабул гардидааст.

***

23 сол пеш, 26 сентябри соли 1994 ИМА таҳримҳоеро, ки ба муқобили Гаити ҷорӣ карда буд, бекор кард.

***

26 сентябри соли 1994 дар Швейтсария тарғиби нажодпарастӣ манъ карда шуд.

ИНЧУНИН ДАР ИН РӮЗ…

Соли 1966 Япония аввалин радифи кайҳонии худро ба фазо сар дод.