Тоҷирони финӣ хостори пайдо кардани шарикони ҳамкор дар Тоҷикистон мебошанд
ДУШАНБЕ, 16.09.2017/АМИТ «Ховар»/. Иқтисоди Тоҷикистон бомаром рушд менамояд ва тоҷирони финӣ хостори тақвияти ҳамкорӣ бо соҳибкорони тоҷиканд». Ин матлаб зимни мулоқоти Консули ифтихории Финляндия дар Қирғизистон Петри Нуминнен бо раиси Палатаи савдо ва саноати Ҷумҳурии Тоҷикистон Шариф Саид баён гардид. Дар ин замина Консули фин пешниҳод намуд, ки охири моҳи октябр дар Тоҷикистон семинари тиҷоратӣ бо иштироки доираҳои соҳибкории ҳар ду кишвар гузаронида шавад.
Дар ҷараён мулоқот Шариф Саид ба Петри Нуминнен доир ба фаъолияти Палатаи савдо ва саноати Ҷумҳурии Тоҷикистон маълумот дода, гуфт, ки «байни палатаҳои савдо ва саноати Тоҷикистон ва Финляндия ҳамкории судманд ба роҳ монда шудааст ва дар оянда он тақвият хоҳад ёфт». Ҳамзамон Шариф Саид ба меҳмон доир ба иқтидори инвеститсионии Ҷумҳурии Тоҷикистон дар бахшҳои энергетика, саноат, кишоварзӣ, саноати сабук, тандурустӣ, сохтмон ва туризм иттилоъ дод.
Консули ифтихории Фин ҳадафи сафараш ба Тоҷикистонро омӯзиши бозор ва пайдо кардани шарикони ҳамкор оид ба тиҷорат дар самтҳои афзалиятнок арзёбӣ кард.
«Қиссаҳои Шераки Ориён» аз чоп баромад
5 август дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мешавад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
Имрӯз дар шаҳри Душанбе ҳаво то 39 дараҷа гарм мешавад
Имрӯз дар доманакӯҳҳои Тоҷикистон ҳаво то 37 дараҷа гарм мешавад
Дар Донишгоҳи давлатии Хуҷанд 17 ихтисоси нав таъсис дода шуд
Дар Душанбе Форуми байналмилалӣ оид ба кори иҷтимоӣ ва хизматрасониҳои иҷтимоӣ доир гардид
