Ваколатдор оид ба ҳуқуқи инсон дар Ҷумҳурии Тоҷикистон бо ниҳодҳои СММ ҳамкории судманд ба роҳ мондааст
ДУШАНБЕ, 30.09.207 /АМИТ «Ховар»/. 29 сентябри соли равон Ваколатдор оид ба ҳуқуқи инсон дар Ҷумҳурии Тоҷикистон Зариф Ализода Ҳамоҳангсозии доимии СММ ва намояндаи доимии Барномаи Рушди СММ дар Тоҷикистон хонум Пратибҳа Меҳта ва Директори кишварии Барномаи Рушди СММ дар Тоҷикистон Ян Харфстро ба ҳузур пазируфт.
Тавре аз хадамоти матбуоти Ваколатдор оид ба ҳуқуқи инсон ба АМИТ «Ховар» иттилоъ доданд, зимни вохӯрӣ ҷонибҳо атрофи масъалаҳои фаъолияти Ваколатдор оид ба ҳуқуқи инсон ва нақши он дар амалисозии ҳадафи 16-уми Ҳадафҳои рушди устувори СММ – сулҳ, адолати судӣ ва ниҳодҳои самарабахш табодули назар намуданд.
Зикр шуд, ки мақомоти Ваколатдор оид ба ҳуқуқи инсон дар Ҷумҳурии Тоҷикистон аз оғози фаъолияти худ то ба имрӯз бо Намояндагии СММ дар Тоҷикистон ва агентиҳои он, аз ҷумла Барномаи Рушди СММ, Хазинаи кӯдакони СММ, СММ-Занон, Хазинаи нуфуси СММ, Намояндагии Раёсати Комиссари Олии СММ оид ба ҳуқуқи инсон, Намояндагии Раёсати Комиссари Олии СММ оид ба гурезагон, Ташкилоти байналмилалии муҳоҷират дар самти ҳуқуқи инсон ҳамкории мутақобилан судманд ба роҳ мондааст.
Дар доираи ин ҳамкорӣ иқтидори институтсионалии мақомоти Ваколатдор оид ба ҳуқуқи инсон таҳким ёфта, дар 4 шаҳру навоҳии кишвар қабулгоҳҳои ҷамъиятии Ваколатдор оид ба ҳуқуқи инсон таъсис дода шуда, фаъолияти онҳо дастгирӣ меёбад.
Хонум Пратибха Меҳта нақши мақомоти Ваколатдор оид ба ҳуқуқи инсонро дар баланд бардоштани маърифати ҳуқуқии аҳолӣ, пешгирии омилҳои номатлуби ҷомеа, аз қабили терроризм ва экстремизм, таъмини волоияти қонун, амалисозии барномаву стратегияҳои давлатӣ, мусоидат ба ҳамкории давлат ва сохторҳои ҷомеаи шаҳрвандӣ муҳим арзёбӣ намуд.
Китобҳои «Президент, истиқлол, ваҳдат, маориф» ва «Муаррифгари миллати тоҷик» ба табъ расиданд
Кормандони Мақомоти иҷроияи ҳокимияти давлатии ноҳияи Шоҳмансур суханронии Президенти Тоҷикистонро бахшида ба Рӯзи Дониш дастҷамъона тамошо намуданд
«БО АТЛАСУ АДРАСУ ЧАКАН ЯКТОӢ». Либоси миллӣ байни тӯфонҳои шадиди ҳазорсолаҳо ба ин покӣ ҳифз гардид
Бахшида ба Рӯзи дониш дар Донишгоҳи давлатии Бохтар ҷамъомади тантанавӣ доир шуд
Дар роҳи Душанбе-Кӯлоб-Хоруғ-Кулма сохтмони долони зиддитармавӣ ва пули мошингузар босуръат идома дорад
Имрӯз дар шаҳри Душанбе ҳаво то 35 дараҷа гарм мешавад
Ба 80 хонандаи ниёзманди ноҳияи Айнӣ либоси мактабӣ тақдим гардид
«БЕҲТАРИН ШАХСИ ҲУҚУҚДОН». Таҳти чунин унвон дар ноҳияи Фирдавсии пойтахт озмун доир мегардад
Дар Душанбе ҷаласаи IX Шурои байнидавлатии муқовимат ба коррупсия доир мегардад
Дар Маркази мероси хаттӣ бахшида ба Истиқлоли давлатӣ ҳамоиши илмӣ баргузор шуд
Имрӯз дар ноҳияҳои кӯҳии Тоҷикистон ҳаво то 32 дараҷа гарм мешавад
СОЛИ МАЪРИФАТИ ҲУҚУҚӢ. Барои расидан ба саодати миллӣ бояд меъёрҳои қонунҳо риоя гардад
