ДАСТАИ ДӮСТДОШТАИ ХУДРО ҲАВОДОРӢ МЕКУНЕМ! КФ «Истиқлол» барои мухлисонаш ҷиҳати рафтан ба тамошои бозии футбол автобусҳои ройгон фароҳам меорад
ДУШАНБЕ, 26.10.2017 /АМИТ «Ховар»/. Роҳбарияти дастаи футболи «Истиқлол»-и шаҳри Душанбе қарор кард, ки ба хидмати мухлисони худ автобусҳои мусофиркашонии ройгонро фароҳам оварад, то бидуни мушкилӣ ба шаҳри Ҳисор рафта, аз тамошои бозии ниҳоии Ҷоми КФО-2017 бархӯрдор шаванд.
Тавре аз Федератсияи футболи Тоҷикистон ба хабарнигори АМИТ «Ховар» иттилоъ доданд, аз мухлисони футболи тоҷик хоҳиш карда мешавад, ки бо истифода аз ин нақлиёти ройгон баҳри дастгирии дастаи дӯстдоштаи худ ба Варзишгоҳи марказии шаҳри Ҳисор ҳозир шаванд ва дар ин вохӯрӣ футболбозони тоҷикро ҳаводорӣ намоянд.
Мухлисон аз се нуқтаи пойтахт бо шумули Маркази савдои «Садбарг», «Қасри теннис» ва бозори «Саховат» соати 14:30 метавонанд ба автобусҳои ройгон савор шуда, ба самти шаҳри Ҳисор сафар намоянд. Бозии ниҳоӣ барои дарёфти Ҷоми КФО-2017 миёни дастаҳои «Истиқлол»-и Тоҷикистон ва «Эйр Форс»-и Ироқ 4 -уми ноябр дар Варзишгоҳи марказии шаҳри Ҳисор сурат мегирад. Оғози бозӣ – соати 18.00.
Хотиррасон менамоем, ки доварони бозии финалии мусобиқаи Ҷоми КФО-2017, ки дар он дастаи «Истиқлол»-и Душанбе бо дастаи «Эйр Форс»-и Ироқ рақобат мекунанд, муайян шуданд. Сардовари ин бозӣ рефери 39-солаи ФИФА Муҳаммад Абдулло Ҳасан аз Аморати Муттаҳидаи Араб таъйин гардидааст. Дар канораҳои майдон ба ӯ ҳамватанонаш Муҳаммад Аҳмад Юсуф Абдулло Ал-Ҳаммадӣ ва Ҳасан Муҳаммад Ҳасан Абдулло Ал-Маҳрӣ кумак хоҳанд кард.
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
