Доварони бозии финалии мусобиқаи Ҷоми AFC-2017 байни «Истиқлол» ва «Эйр Форс» муайян шуданд

Октябрь 23, 2017 11:21

ДУШАНБЕ, 23.10.2017 /АМИТ «Ховар»/. Доварони бозии финалии мусобиқаи Ҷоми AFC-2017, ки дар он  дастаи футболи  «Истиқлол»-и Душанбе бо дастаи «Эйр Форс»-и Ироқ рақобат мекунанд, муайян шуданд.

Тавре аз Федератсияи футболи Тоҷикистон ба  хабарнигори  АМИТ «Ховар» иттилоъ доданд, сардовари ин дидор рефери 39-солаи ФИФА Муҳаммад Абдулло Ҳасан аз Аморати Муттаҳидаи Араб таъйин гардидааст. Дар канораҳои майдон ба ӯ ҳамватанонаш  Муҳаммад Аҳмад Юсуф Абдулло Ал-Ҳаммадӣ ва Ҳасан Муҳаммад Ҳасан Абдулло Ал-Маҳрӣ кумак хоҳанд кард.

Ёдовар мешавем, ки рақобати ниҳоии сабқати Ҷоми AFC-2017   4  ноябр дар Варзишгоҳи марказии шаҳри Ҳисор баргузор хоҳад шуд. Оғози бозӣ соати 18:00 дар назар дошта шудааст.

Хотиррасон менамоем, ки дастаи  футболи «Истиқлол»-и шаҳри Душанбе бозии ҷавобии марҳилаи ниҳоии байниминтақавии Ҷоми Конфедератсияи футболи Осиё-2017-ро бо дастаи   «Бенгалуру»-и Ҳиндустон бо ҳисоби 2:2 анҷом дода, аз рӯи натиҷаҳои ду дидор бо ҳисоби 3:2 ғолиб омад ва роҳи худро ба даври ниҳоии ин мусобиқаи бонуфузи осиёӣ ҳамвор кард. Бозии ҷавобӣ миёни  дастаҳои «Истиқлол»-и  Душанбе  ва «Бенгалуру»-и Ҳиндустон дар варзишгоҳи «Кантерава»-и шаҳри Бангалори Ҳиндустон сурат гирифта, бо натиҷаи 2:2 ба поён расид.

Бояд зикр кард, ки дастаи футболи «Истиқлол» дар бозии аввал бо ҳисоби 1:0 ғалаба карда буд. Ҳамин тариқ, дастаи футболи   «Истиқлол», ки аз рӯи натиҷаи ду бозӣ бо ҳисоби 3:2 пирӯз шуд, барои ширкат ба бозии ниҳоии Ҷоми КФО-2017 роҳ ёфт. Бояд гуфт, ки дар таърихи бошгоҳи пойтахти кишварамон ин бори дуюм аст, ки дастаи «Истиқлол»    ба финали Ҷоми КФО роҳ меёбад. Қаблан соли 2015 онҳо то ба ин марҳила расида буданд.

Дастаи   футболи «Истиқлол» -и Душанбе дар бозии ниҳоӣ, ки 4 ноябр доир мешавад, бо  дастаи футболи  «Эйр Форс»-и Ироқ, барандаи Ҷоми КФО-2016 рақобат мекунад.

Октябрь 23, 2017 11:21

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод