Ноҳияи Дарвоз нақшаи даъвати тирамоҳии навҷавонон ба сафи қувваҳои мусаллаҳро иҷро кард
ХОРУҒ, 4.10.2017 /АМИТ «Ховар»/. Дар назди бинои комиссариати ҳарбии Вилояти Мухтори Кӯҳистони Бадахшон бо ширкати намояндагони мақомоти маҳаллии ҳокимияти давлатии вилоят, Раёсати ҷавонон ва варзиш, собиқадорони меҳнат ва волидон маросими гусели даъватшудагон ба хизмати Ватан баргузор гардид. Муовини сардори комиссариати ҳарбии вилоят Шоҳзода Шоқосимов дар суҳбат ба хабарнигори АМИТ «Ховар» гуфт, ки ҷавонони ноҳияи Дарвоз ҳамасола дар ин маъракаи барои кишвар муҳим фаъоланд.
Онҳо имсол низ пешсафиро аз даст надода, дар рӯзи аввали даъвати тирамоҳӣ сад фоиз дар назди комиссариати ҳарбии вилоят довталабона ҳозир шуданд. Қабл аз гусел вазъи саломатии онҳоро табибон хеле дақиқкорона мавриди санҷиш қарор доданд. Ташхис нишон дод, ки ҳамаи даъватшудагон рӯҳу ҷисми солим доранд ва барои хизмати низомӣ омода мебошанд.
Як тан аз даъватшудагон, ки худро Азим Ҷорубов муаррифӣ кард, изҳор дошт, ки соли равон Донишкадаи фарҳанг ва санъати ба номи Мирзо Турсунзодаро хатм кардааст ва ҳоло ихтиёран ба хизмати ҳарбӣ меравад. “Барои ман хизмат ба Ватан шараф ва ҳам қарзи фарзандӣ аст. Ман қарор додам, ки танҳо баъди хизмати аскарӣ ба касби дӯстдоштаам машғул шавам”,-иброз дошт ӯ.
Гусели навҷавонон ба хизмат дар ноҳияҳои Шуғнону Рӯшон, Ванҷу Ишкошим, Роштқалъаву Мурғоб ва шаҳри Хоруғ ҷараён дорад.
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
