«ШВИТСУЗЕБУМОНАНД»- ҶИНСИ ТОҶИКИИ ЧОРВОИ ШИРДЕҲИ ГӮШТӢ. Дар ноҳияи Рашт намоиш ва фурӯши чорвои зотӣ баргузор шуд

Октябрь 31, 2017 14:43

РАШТ, 31.10.2017 /АМИТ «Ховар»/. Дар маркази ноҳияи Рашт бо иштироки намояндагони  Вазорати кишоварзии Ҷумҳурии Тоҷикистон, кормандони шуъбаҳои кишоварзию чорводорон ва занбӯрпарварони  ноҳияҳои минтақаи Рашт  намоиш ва фурӯши  чорвои зотии  ин минтақа баргузор шуд. Дар намоишгоҳ чорвои калони шохдори зотҳои  «сиёҳало», «швитсузебумонанд» ва  гӯсфанди зоти ҳисорӣ  ба намоиш гузошта шуданд.

Роҳбари хоҷагии деҳқонии Хисрав Алишери ноҳияи Рашт Авғон Абдуҷабборов зикр намуд, ки дар таърихи минтақа бори аввал байни чорводорони минтақа намоишу  фурӯши чорвои хушзот доир гардид. Дар хоҷагии мазкур 62 сар чорвои зотии ширдеҳ ва гӯштӣ мавҷуд мебошад. Барои ривоҷу равнақи  соҳаи чорводорӣ   ва бордоркунии чорвои аҳолӣ  аз тарафи Муассисаи хушзоткунии Вазорати кишоварзӣ  ба таври ройгон ба хоҷагӣ ду сар буққаи зоти «швитсузебумонанд»  дода шуд.
Фазлиддин Икромов,  сардори Хадамоти назорати  давлатии хушзоткунии Вазорати кишоварзии Ҷумҳурии Тоҷикистон гуфт, ки чунин намоиш яке аз бахшҳои муҳими соҳаи чорводорӣ, аз ҷумла, дар самти  зотпарварӣ мебошад. Масъалаи зотпарварӣ яке аз омилҳое ба шумор меравад, ки барои баланд бардоштани маҳсулнокӣ, хусусиятҳои ирсии чорвои парваришии оянда  ва дар маҷмӯъ, барои ҳалли масъалаи таъмини  амнияти озуқаворӣ замина мегузорад. Дар минтақаи Рашт тибқи нақшаи лоиҳабандии намуд ва зоти чорво, ки бо қарори Ҳукумати Ҷумҳурии Тоҷикистон аз соли 2009 ба тасвиб расидааст, парвариши чорвои ширдеҳи гӯштӣ, ки зоти «швитсӣ» ном дорад ва дар заминаи он ҷинси тоҷикии «швитсузебумонанд» аз ҷониби олимону мутахассисони ватанӣ офарида шудааст, парвариш карда мешавад. Аз чорвои майда  дар минтақа зоти гӯсфанди ҳисорӣ ва маҳинпашми дарвозӣ парвариш меёбанд, ки аз лиҳози биологӣ ва хусусиятҳои ирсӣ зоти мазкур ба шароити  минтақаҳои баландкӯҳ ва  кӯҳистон мутобиқ мебошад.

Дар интиҳо иштирокчиёни фаъоли намоиш аз ҷониби Вазорати кишоварзии Ҷумҳурии Тоҷикистон бо ифтихорномаҳо қадрдонӣ шуданд.

 

Октябрь 31, 2017 14:43

Хабарҳои дигари ин бахш

Дар Душанбе доир ба нақши оила дар рушди сармояи инсонӣ конференсияи байналмилалӣ доир шуд
АЗ ТАШАББУСҲОИ БАЙНАЛМИЛАЛӢ ИФТИХОР ДОРЕМ. Дар Донишгоҳи технологии Тоҷикистон Рӯзи ҷаҳонии футболро таҷлил намуданд
«МегаФон Тоҷикистон» интернет туҳфа менамояд
Ҳилоли Аҳмари Эрон дар бораи марги президент ва вазири корҳои хориҷии Ҷумҳурии Исломии Эрон иттилоъ дод
Изҳороти матбуотии Вазорати корҳои хориҷии Ҷумҳурии Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
Яке аз чархболҳои корвон бо ҳузури Президенти Эрон фуруди сахт анҷом дод
«МАОРИФ-АСОСИ ТАКМИЛ ВА РУШДИ ИНСОН». Таҳти чунин унвон китоби нав нашр гардид
Имрӯз дар ноҳияҳои алоҳидаи кӯҳию доманакӯҳии Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбанда пешгӯӣ мешавад
«ТОҶИКИСТОНИ МАН!». Дар шаҳри Ҳисор даври дуюми маҳфил-озмун ҷамъбаст карда шуд
Имрӯз дар баъзе ноҳияҳои Тоҷикистон борон меборад