«СОМОН-ЭЙР» ХАТСАЙРИ НАВИ «КӮЛОБ-МОСКВА»-РО БОЗ НАМУД! Нахустин мусофири хатсайри нав соҳиби сертификати парвози ройгон гардид

Октябрь 31, 2017 16:37

ДУШАНБЕ, 31.10.2017 /АМИТ «Ховар»/. Нахустин мусофири хатсайри  Хуҷанд-Москва-Кӯлоб-Москва-Хуҷанди Ширкати ҳавопаймоии «Сомон Эйр» Самариддин Аҳмадов, ки сокини шаҳри Қӯрғонтеппа мебошад, соҳиби сертификати парвози ройгони якдафъаина дар хатсайри «Кӯлоб-Москва» гардид.

Хабарнигори АМИТ «Ховар», ки дар  қатори нахустин мусофирони хатсайри нав  қарор дошт, иттилоъ дод, ки ин парвоз 30-31 октябри соли равон бори аввал аз ҷониби ширкати ҳавопаймоии «Сомон Эйр» тариқи ҳавопаймои Боинг -737 дар самти Хуҷанд-Москва-Кӯлоб-Москва-Хуҷанд амалӣ гардид.

Нахуст ҳавопаймо аз Хуҷанд парвоз карда, дар Фурудгоҳи байналмилалии Внуковои шаҳри Москва фуруд омад. Сипас, дар терминали «А» бо иштироки роҳбарияти ширкати ҳавопаймоӣ ва фурудгоҳ, намояндагони ВАО ва мусофирон маросими ифтитоҳи хатсайри нав баргузор гардид.

Новый рисунок (1)Мудири бахши ҳуқуқи ширкати ҳавопаймоии «Сомон Эйр» Акбар Муродов зимни суҳбат иброз намуд, ки ифтитоҳи хатсайри мазкур ба сокинони Тоҷикистон ва Россия имкон медиҳад, ки рафту омади худро дар ду самт осонтар кунанд. Бо кушода шудани хайтсайри нав муносибатҳои мардумони ду кишвар боз ҳам наздиктар мешаванд.

Бояд зикр намуд, ки ҳавопаймоҳои «Сомон Эйр» аз самти Кӯлоб ба Фурудгоҳи Внуковои Москва ҳафтае 3 маротиба рӯзҳои сешанбе, панҷшанбе ва шанбе парвоз хоҳанд кард. Вақти парвоз аз Фурудгоҳи шаҳри Кӯлоб соати 17:00 ба вақти маҳаллӣ муқаррар шуда, парвозҳо дар ин хатсайр тавассути ҳавопаймоҳои Боинг 737 амалӣ мегарданд.

Ёдовар мешавем, ки баъди дохил шудан ба узвияти  Ассотсиатсияи байналмилалии нақлиёти ҳавоӣ (ИАТА) Ширкати ҳавопаймоии «Сомон Эйр» майдони парвозҳояшро фарох мекунад. Васеъ гардидани хатсайри парвозҳои ин ширкат барои рафтуомади сокинони мамлакат ба хориҷи кишвар ва ворид шудани шумораи зиёди сайёҳони хориҷӣ ба мамлакат мусоидат мекунад.

Октябрь 31, 2017 16:37

Хабарҳои дигари ин бахш

«ПИРӢ ФАРО РАСИДААСТ, ЧӢ БОЯД КАРД?». Таҳти чунин унвон китоб ба нашр расид
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
«ИЛМ-ФУРӮҒИ МАЪРИФАТ». Дар ноҳияи Рӯдакӣ даври ноҳиявии озмуни ҷумҳуриявӣ баргузор гардид
РОҲСОЗӢ-КОРИ ХАЙР. Сокинони ноҳияи Спитамен маблағи барои ҳаҷ ҷамъовардаашонро дар мумфаршкунии роҳҳо сарф карданд
Имрӯз дар шаҳри Душанбе ҳаво 34 дараҷа гарм мешавад
Имрӯз дар шаҳри Душанбе ҷаласаи 28-уми Шурои роҳбарони мақомоти муҳоҷирати давлатҳои иштирокдори Иттиҳоди Давлатҳои Мустақил доир мегардад
Дар ноҳияи Фирдавсӣ ташкилоти ҳизбии «Ободкор» ва «Шири Ватан» таъсис дода шуданд
Дар шаҳри Санкт-Петербург ҷаласаи комиссияи доимии Ассамблеяи парламентӣ оид ба масъалаҳои ҳуқуқӣ баргузор гардид
Агар барқ хомӯш шуд – мо вориди интернет мешавем
Имрӯз дар Тоҷикистон ҳавои камабри бебориш пешгӯӣ мешавад
«ЧИЛ РӮЗИ ҲАЁТИ КӮДАКОН». Дар шаҳру ноҳияҳои Хатлон бахшида ба Рӯзи байналмилалии ҳифзи кӯдакон ҳамоишҳо доир мегарданд
«ТОҶИКИСТОНИ МАН!». Дар шаҳри Ҳисор ҳамоиши ҷоизасупорӣ ба ғолибони ин маҳфил-озмун доир гардид