Дар Душанбе оид ба ҳуқуқи маъюбон конфронси байналмилалӣ баргузор мешавад
ДУШАНБЕ, 14.11.2017 /АМИТ «Ховар»/. Аз 15 то 17 ноябри соли равон бо мақсади омодагӣ ба ҳамроҳ шудани Ҷумҳурии Тоҷикистон ба Конвенсия оид ба ҳуқуқи маъюбон дар Душанбе конфронси байналмилалӣ баргузор мешавад. Конфронсро Иттиҳодияи миллии маъюбони Тоҷикистон бо дастгирии Ҳукумати Ҷумҳурии Тоҷикистон дар ҳамкорӣ бо Департаменти иқтисодӣ-иҷтимоии Созмони Милали Муттаҳид ва дигар шарикони рушд доир менамояд.
Тавре аз Иттиҳодияи миллии маъюбони Тоҷикистон хабар доданд, мақсади конфронси байналмилалӣ табодули таҷриба дар раванди ҳамроҳ шудани кишвар ба Конвенсия оид ба ҳуқуқи маъюбон мебошад. Ба конфронси мазкур коршиносон ва мутахассисон аз ташкилотҳои маъюбони давлатҳои хориҷи кишвар, аз ҷумла, аз Федератсияи Россия, Украина, Молдова, Беларус, Гурҷистон, Арманистон, Озарбойҷон, Қазоқистон, Қирғизистон, Ӯзбекистон, Германия ва намояндагони СММ, ки худ шахсони дорои имкониятҳои маҳдуданд, иштирок менамоянд. Ҳамчунин намояндагони раёсати кафолатҳои ҳуқуқи инсони Дастгоҳи иҷроияи Президенти Ҷумҳурии Тоҷикистон, вазорату идораҳои давлатӣ, аз ҷумла, Вазорати тандурустӣ ва ҳифзи иҷтимоии аҳолӣ, Вазорати адлия, Вазорати маориф ва илм, Вазорати меҳнат, муҳоҷират ва шуғли аҳолӣ ва Кумитаи меъморӣ ва сохтмони назди Ҳукумати Ҷумҳурии Тоҷикистон даъват шудаанд.
Конфронси мазкур дар асоси Нақшаи миллии амалҳо ҷиҳати иҷрои тавсияҳои давлатҳои аъзои Шӯрои Созмони Милали Муттаҳид оид ба ҳуқуқи инсон тибқи расмиёти Шарҳи универсалии даврӣ (даври дуюм) барои солҳои 2017-2020, ки бо амри Президенти Ҷумҳурии Тоҷикистон тасдиқ шудааст, амалӣ мегардад.
Тибқи он Ҷумҳурии Тоҷикистон уҳдадории ихтиёрӣ ба зимма гирифтааст, ки то охири соли 2017 Конвенсия оид ба ҳуқуқи маъюбонро ба имзо расонад.
НИШОНИ ҶАВОНМАРДӢ. Дар ҳошияи асари сиёсатшинос, сиёсатмадор, олим ва адиби нуктасанҷ Саймумин Ятимов
Дар Донишгоҳи давлатии молия ва иқтисоди Тоҷикистон оид ба татбиқи технологияҳои рақамӣ дар низоми логистикӣ машварат доир гардид
Имрӯз дар Тоҷикистон борони кӯтоҳмуддат меборад
Дар Данғара даври ноҳиявии Озмуни ҷумҳуриявии ҳарбӣ- варзишии «Ватанпарвар» доир гардид
«Одамон. Идеяҳо. Ҳаракат». Дар Душанбе нахустин форуми таҷрибаҳои идоракунӣ баргузор шуд
Имрӯз дар Тоҷикистон ҳавои тағйирёбандаи бебориш дар назар аст
ТАЪСИРИ ШАБАКАҲОИ ИҶТИМОӢ БА РУҲИЯИ КӮДАКОН. Ва ё «оҳанро дар гармияш бояд кӯфт»
Соли 2025 шаҳрвандон ва соҳибкорон беш аз 6 миллион амалиёти ғайринақдиро анҷом доданд
Имрӯз дар Тоҷикистон ҳаво тағйирёбандаи бебориш мешавад
ҒИЗОИ СОЛИМ. Чӣ тавр аз лӯбиё таом ва ё хӯриш омода намоем?
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
