Навсозии қисмати поёнии пули роҳи оҳан ва автомобилгарди кӯчаи Моёншо Назаршоев ва Аҳмади Дониш босуръат идома дорад
ДУШАНБЕ, 23.11.2017 /АМИТ «Ховар»/. Дар асоси дастуру супоришҳои Асосгузори сулҳу ваҳдати миллӣ—Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корҳои ободию бунёдкорӣ дар пойтахти кишвар босуръат идома доранд. Моҳи сентябри соли равон ба муносибати 26-умин солгарди Истиқлолияти давлатии Ҷумҳурии Тоҷикистон бо иштироки Раиси шаҳри Душанбе Рустами Эмомалӣ пули роҳи оҳан ва автомобилгард, воқеъ дар буриши кӯчаи Моёншо Назаршоев ва Аҳмади Дониши ноҳияи Шоҳмансур пас аз навсозӣ мавриди баҳрабардорӣ қарор гирифта буд.
Тибқи лоиҳаи навсозии пули мазкур, ду канори роҳи он бо панҷараҳои мунаққаш панҷарабандӣ гардида, тамоми қисмҳои ороишии он бо чароғакҳо зиннат дода шудаанд, ки шомгоҳон ба зебоии шаҳр ҳусни тоза зам мекунанд.
Алҳол дар қисмати поёнии пули мазкур корҳои навсозӣ босуръат идома доранд. Хабарнигори АМИТ «Ховар» бо ҷараёни кори сохмончиён дар ин мавзеъ аз наздик шинос шуда, бо масъулини сохтмон ҳамсуҳбат гардид.
Тибқи иттилои масъулин, қисмати поёнии пули мазкур ва тамоми аломатҳои бетонии он бо маводи ороишии сатҳӣ рӯйпӯш гардида, ҳамчунин дар зинапояҳои ду тарафи роҳи назди пул корҳои навсозӣ идома доранд. Ҳамзамон ин қисмати пул низ чароғон гардонида мешавад.
Бояд тазаккур дод, ки сохтмончиён роҳҳои пиёдагарди ду ҷониби кӯчаи Аҳмади Донишро бозсозӣ намуда истодаанд, ки он барои равуо ва бехатарии роҳгузарон мувофиқ гардонда шудааст. Ҳамчунин масъулин иброз доштанд, ки баъди анҷоми корҳои сохтмонӣ шинонидани дарахт ва майсазоркунии атроф шурӯъ мегардад.
Хотиррасон менамоем, ки пули роҳи оҳан ва автомобилгарди мазкур аз ҷониби КВД «Роҳи оҳани Тоҷикистон» навсозӣ ва таъмиру тармим гардидааст. Тарҳи наву лоиҳаи навсозии он аз ҷониби ҶДММ «Кул-дизайн» ва ҶДММ «Инвест лоиҳа» таҳия гардида, корҳои сохтмонӣ ва васлу насби қисматҳои он аз ҷониби ҶДММ «Строймет» ва ҶДММ «Машҳад Коло» анҷом дода шудаанд. Маблағи умумии лоиҳа беш аз як миллиону чорсад ҳазор сомониро ташкил медиҳад.
Рухсораи НУР
Дар 4 ноҳияи шаҳри Душанбе намоиш-фурӯши маҳсулоти мавриди ниёзи аввал ташкил карда мешавад
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни занону духтарон ҷамъбаст шуд
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
Дар ноҳияи Шоҳмансури шаҳри Душанбе Озмуни ноҳиявии «Кадбонуи беҳтарин» баргузор гардид
«МОДАР — САРЧАШМАИ МЕҲРУ МУҲАББАТ». Дар Душанбе Рӯзи модарро ботантана таҷлил намуданд
Иҷлосияи панҷуми Маҷлиси вакилони халқи шаҳри Душанбе, даъвати ҳафтум баргузор мегардад
Маросими қадршиносии беҳтаринҳо дар соҳаҳои кор бо ҷавонон ва варзиши шаҳри Душанбе баргузор гардид
МОДАР — САРЧАШМАИ МЕҲРУ МУҲАББАТ. Дар ноҳияи Шоҳмансур ҳамоиши идонаи фарҳангӣ – фароғатӣ доир шуд
УФУҚҲОИ ДӮСТӢ. Муносибатҳои бародаршаҳрӣ байни Душанбе ва Боку тақвият меёбад
«ЗАН-МОДАР — ПАЙВАНДГАРИ НАСЛҲО». Дар Душанбе ҳамоиши маърифатӣ — фарҳангӣ доир гардид
«БАРОИ ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон доир гардид
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
